Banthèng
| Banthèng | |
|---|---|
| |
| Banthèng ing Alas Purwa | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Mammalia |
| Ordho: | Artiodactyla |
| Famili: | Bovidae |
| Subfamili: | Bovinae |
| Génus: | Bos |
| Spésies: | B. javanicus |
| Jeneng binomial | |
| Bos javanicus d'Alton, 1823 | |
Banthèng (Bos javanicus) inggih punika spésies lembu wana ingkang pinanggih ing laladan Asia Kidul-Wétan.[1] Panjangipun antawis 1,9 dumugi 3,68 m. Banthèng liyar limrahipun langkung ageng lan langkung awrat tinimbang banthèng ingah-ingahan, nanging blegeripun taksih saèmper. Banthèng diwasa limrahipun awarni soklat mateng dumugi cemeng, langkung ageng saha langkung keker kabandhingaken lembu diwasa.
Banthèng ingkang sampun dipun-dhomèstikasi inggih punika kawastanan 'sapi bali'. Cacahipun populasi udakawis wonten 1,5 yuta.[1] Banthèng saged dipun-ginakaken minangka kéwan makarya, lan saged dipun-mupangataken dagingipun.[1]
Panyebaranipun lan subspésies-ipun
[besut | besut sumber]Panyebaran lan subspesies banteng saged kapérang:[2]
- Banthèng Jawa (B. j. javanicus): wonten ing Jawa, ingkang jaler gadhah warni cemeng lan ingkang èstri warninipun soklat.[2]
- Banthèng Kalimantan (B. j. lowi): saking Kalimantan. Banteng Kalimantan nggadhi awak ingkang langkung alit tinimbang banteng Jawa.[2]
- Banthèng Burma (B. j. birmanicus): ing Myanmar, Thailand, Cambodia, Laos lan Vietnam.[2]
Banthèng saged gadhah inggil ngantos 1,6 mèter ing sisih gegeripun lan panjang awakipun ngantos 2,3 mèter.[2] Abotipun Banthèng jaler 680 – 810 kg, jaler ingkang ageng sanget saged ngantos satunggal ton.[2] Ingkang èstri boten patia abot tinimbang jaleripun.[2] Banthèng gadhah warni pethak ing sikil, punuk pethak, sarta warni pethak ing sisih mata lan moncongipun.[2] Banthèng jaler gadhah kulit awarna biru-cemeng utawi soklat peteng.[2] Sungu nglengkung manginggil, lan punuk ing gegeripun wonten punukipun.[2] Nanging ing èstri gadhah warni soklat radi abrit lan sungu ingkang cendhak lan boten gadhah punuk.[2]
Cathetan suku
[besut | besut sumber]Pranala njawi
[besut | besut sumber]
 | Artikel bab kéwan iki minangka artikel rintisan. Kowé bisa ngéwangi Wikipédia ngembangaké. |