Limba basca

Sa limba basca (euskara in limba basca) est una limba pre-indoeuropea faeddada in su Paisu Bascu (Euskal Herria). La faeddant unos 1.033.900 pessonas in sa Comunidade Autònoma de Paisu Bascu e Navarra (Ispagna) e Paisu Bascu frantzesu (in su dipartimentu de sos Pireneos Atlànticos, Frantza). Est ufitziale in sa Comunidade Autònoma de Paisu Bascu e in su nord de sa Navarra.

Mancari sa prossimidade sua a s'ispagnolu e a s'otzitanu, e francu carchi tèrmine imprestadu, su bascu est una limba chi si presumet èssere s'ùrtima abarrada de una sèrie de limbas estintas chi esistiant in totu s'Europa, ma chi cando a pustis sunt bènnidos sos indoeuropeos las ant fatas estìnghere belle totu, francu su bascu. Sas ùnicas duas limbas in sas cales sunt istadas agatadas caraterìsticas sìmiles sunt s'acuitanu e si presumet, dae sos nùmeros, s'ibèricu.

• Bizkaiera
• Gipuzkera
• Goi nafarrera
• Lapurtera
• Behe nafarrera
• Zuberera
• Erronkariera

Sa Limba basca unificada o Euskara batua est sa limba regulada dae Acadèmia de sa Limba Basca (Euskaltzaindia)^[1]

1. ↑ Giuanne Luisu Stochino, Euskadi: Limba Basca Unificada in sa Sotziedade e in su Territòriu, in Noas EJA, nº 15, Papiros, 2014, pp. 20-23. URL consultadu su 14 nadale 2021.

• Euskaltzaindia, in www.euskaltzaindia.eus. URL consultadu su 14 nadale 2021.