Harry Truman

Harry S. Truman
Présidhèn Amérika Sarékat ke-33
Masa jabatan 12 April 1945 – 20 Januari 1953
Wakil Presiden	Ora ana (1945-1949)[1], Alben W. Barkley (1949-1953)
Sadurungé	Franklin D. Roosevelt
Pengganti	Dwight D. Eisenhower
Wakil Présidhèn Amérika Sarékat ka-34
Masa jabatan 20 Januari 1945 – 12 April 1945
Presiden	Franklin D. Roosevelt
Sadurungé	Henry A. Wallace
Pengganti	Alben W. Barkley
Senator AS saka Missouri
Mangsa jabatan 3 Januari 1935 – 17 Januari 1945
Sadurungé	Roscoe C. Patterson
Pengganti	Frank P. Briggs
Lahir	8 Mèi 1884 Lamar, Missouri
Meninggal	Dhésèmber 26, 1972(1972-12-26) (umur 88) Kansas City, Missouri
Kebangsaan	Amérika
Partai politik	Dhémokrat
Suami/Istri	Bess Wallace Truman
Anak	Mary Margaret Truman
Pekerjaan	Pengusaha kecil Petani
Agama	Gréja Baptis
Tanda tangan

Harry S. Truman (lair ing Lamar, Missouri, 8 Mèi 1884 – pati ing Kansas City, Missouri, 26 Dhésèmber 1972 ing umur 88 taun) ya iku Présidhèn Amérika Sarékat kaping 33 (1945–1953). Sadurungé, Truman menjabat wakil présidhèn Amérika Sarékat. Dhèwèké nggantikake Franklin D. Roosevelt sawisé présidhèn séda.

Nalika masa kalungguhan kepresidhènane kang kapindho, dhèwèké didhampingi wakil présidhèn Alben W. Barkley. Truman asalé saka Parte Dhémokrat.

Présidhèn Truman ditandai ing sapérangan prastawa wigati ya iku;

• Pungkasan Perang Donya II
• Wiwitan prosès dekolonisasi
• Pembentukan PBB
• Wiwitan Perang Dingin
• Wiwitan Perang Koréa

Harry S. Truman lair ing praja Missouri tanggal 8 Mèi 1884. Truman digedhèkaké ing kutha Independence, Missouri.

Ing Perang Donya I Truman lunga menyang Prancis minangka Kapten. Sawisé mulih ing taun 1919, Truman nyimpen dhuwit ing toko perusahaan klambi nanging usahane iku ora kasil.

Nalika nom, Truman gabung ing Parté Dhémokrat.

Harry S. Truman nikah karo Bess Wallace tanggal 28 Juni 1919 lan kanugrahan putri. Truman lan garwane omah-omah lan urip makmur dadi wong tani sasuwéné 12 taun. Taun 1922 kapilih dadi Jaksa Laladan sanajan dhèwèké dudu ahli hukum. Kanggo njangkepi kekurangane, Truman mèlu kuliah wengi ing Sekolah Tinggi Hukum sasuwéné rong taun.

Ing Perang Donya II, Truman dadi Ketua Panitia Penyelidik Perang ing Senat, kang nyelidhiki pemborosan dhuwit nagara lan korupsi. Diperkirakake sasuwéné njabat, Truman wis nylametake dhuwit nagara kang cacahé 15 milyar dollar.

Taun 1944, Harry Truman njabat dadi wakil présidhèn sangisore Présidhèn Franklin Roosevelt. Nalika Présidhèn Roosevelt tilar donya tanggal 12 April 1945, Harry S. Truman diangkat dadi présidhèn.

Minangka Présidhèn, Harry Truman nggawe sapérangan putusan kang paling berarti sajeroning sajarah. Sawisé Jerman ditaklukkake ing Perang Donya II, Amérika Sarékat ndhesak Jepang supaya nyerah, nanging Jepang ora gelem.

Sawisé rembugan karo penaséhat-penaséhate, Présidhèn Truman mrintahake supaya kutha-kutha Jepang kang apik ing usaha perang, diserang karo bom atom. Rong kutha kang dibom ya iku Hiroshima lan Nagasaki. Sawisé rong kutha iku dibom karo bom atom, pungkasane Jepang nyerah.

Taun 1945, Harry Truman dadi saksi penandatanganan Piagam Perserikatan Bangsa-Bangsa kang diwangun kanthi pengare-arep kanggo menjamin perdamaian. Nganti semono, Présidhèn Truman mèlu pulitik Présidhèn kang digantikake, ya iku Présidhèn Franklin Roosevelt, nanging dhèwèké banjur nggawe pulitike dhéwé.

Truman ngandharake ing Konggrès saprogram kang kapérang saka 21 pasal. Program iku dikenal kanthi sesebutan Fair Deal utawa Tindakan Adil. Program iku isiné ya iku;

• Ndhesak supaya jaminan sosial diambakake.
• Pengangguran diilangi.
• Perumahan rakyat dibangun.
• Laladan-laladan kutha kang wis rusak supaya dibangun manèh.

Harry S. Truman ninggal Gedung Putih taun 1953 banjur pindhah menyang kampunge ing Independence, Missouri, Papane Truman lan garwane omah-omah sadurungé dadi présidhèn. Ing kana, Truman nulis buku kang isiné babagan kenangan-kenangane.

Truman tilar donya tanggal 26 Dhésèmber 1972 ing umahe nalika umuré 88 taun.