ՄիԳ-31

Միկոյան ՄիԳ-31; (Микоян МиГ-31)
Տեսակ	կործանիչ
Ենթատեսակ	Որսիչ
Շարժիչ	Դ-30
Թռիչքի երկարություն	կմ
Զենք	Gryazev-Shipunov GSh-6-30?, R-33?, R-37?, R-40?, R-60, Ռ-73, R-77? և Kh-31?
Ստեղծող	ԽՍՀՄ; Ռուսաստան
Արտադրող	ՄիԳ
Առաջին թռիչք	1981
Շահագործման սկիզբ	մայիսի 6, 1981
Շահագործողներ	ՌԴ ռազմաօդային ուժեր, ԽՍՀՄ ռազմաօդային ուժեր, Ռուսաստանի Դաշնության ռազմածովային ուժերի ավիացիա, Soviet Naval Aviation?, Ղազախստանի ռամաօդային ուժեր, Ռուսաստանի Դաշնության օդատիեզերական ուժեր, Soviet Air Defence Forces? և Kazakh Air and Air Defence Forces?
Արտադրման թվականներ	1982-1994
Միավոր արտադրված	519
Բազային մոդել	ՄիԳ-25
ՆԱՏՈ-ի կոդ	Foxhound
	Mikoyan-Gurevich MiG-31 Վիքիպահեստում

Միկոյան ՄիԳ-31 (ռուս.՝ Микоян МиГ-31), խորհրդային արտադրության կործանիչ-կալանիչ։

Ընդհանուր բնութագիր

ՄիԳ-31-ը խորհրդային արտադրության առաջին չորրորդ սերնդի կործանիչ-կալանիչ է։ ՄիԳ-31 կործանիչը ստեղծվել է (հատկապես միջին և մեծ հեռավորություններում) օդային թիրախները որսալու և ոչնչացնելու համար` ցերեկով և գիշերով, անկախ եղանակային պարզ և բարդ պայմաններից (նաև հակառակորդի ակտիվ և պասիվ ռադիոխանգարումների դեպքում)։

Արտադրություն

ՄիԳ-31 կործանիչի ստեղծման աշխատանքները սկսվել են 1968 թվականին, սակայն արտադրության է դրվել 1970-ականների կեսին։ Այն ստեղծվել է ՄիԳ-25 կործանիչի հիման վրա։ Այն տրամադրվել է ԽՍՀՄ Ռազմաօդային ուժերին 1981 թվականին։ 1994 թվականին կործանիչների արտադրությունը կասեցվել է։ Ներկա դրությամբ Ռուսաստանի զինված ուժերն ունի 190 միավոր այդպիսի ինքնաթիռ, որոնց մի մասը պետք է արդիականացվի մինչև ՄիԳ-31ԲՄ տարբերակի։ Մինչև 2020 թվականը նախատեսվում է արդիականացնել 60 միավոր ՄիԳ-31։ Այս ինքնաթիռի մոտ մարտական գործողությունների հնարավորությունները լայնորեն ընդարձակվել է` շնորհիվ նոր ռադիոտեղորոշման էլեկտրոնային համակարգի։

Մարտավարական տվյալներ

ՄիԳ-31-ը բավական հզոր, գերձայնային կործանիչ է` համալրված նոր տեխնոլոգիաներով։ Այն շատ արդյունավետ ինքնաթիռ է։ Այն ունակ է թիրախներ հայտնաբերել մինչև 280 կմ-ի վրա։ Չորս ՄիԳ-31 կործանիչներից բաղկացած խումբը կարող է հսկել 800-900 կմ լայնքով տարածք։ Այն ունի նաև օդում վերալիցքավորվելու հնարավորություն։ ՄիԳ-31 կործանիչի անվան հետ մինչ օրս շատ անհայտ բաներ կան կապված։ Միայն մի նախադասությամբ կարելի է նշել, որ ՄիԳ-31 կործանիչը ՌԴ-ի ամենաարդյունավետ և հզոր հակաօդային պաշտպանության համալիրն է։ Այն կարող է միաժամանակ հայտնաբերել հարյուրավոր նշանակետեր, ուղեկցել նրանցից 24-ին, որոշել ամենավտանգավորներին և խոցել միաժամանակ 8-ին` մինչև 180-200 կմ հեռավորության վրա։ Այս ծանրաքաշ կործանիչը, շնորհիվ իր բացառիկ հնարավորությունների և սպառազինության, յուրահատուկ տեղ է գրավում համաշխարհային ավիաշինությունում։

Տեխնիկական տվյալներ

ՄիԳ-31 կործանիչների երկարությունը կազմում է 22.69 մ, թևերի բացվածքը շուրջ 13.46 մ, իսկ բարձրությունը ավելի քան 6.15 մ։ Այս կործանիչների մարտական քաշը կազմում է 21800 կգ (21.8 տ), իսկ մարտական բեռնվածքով մարտական քաշը 46200 կգ (46.2 տ)։ ՄիԳ-31 կործանիչները զինված են 23 մմ տրամաչափով հրանոթովներով։ Այս կարծանիչների հիմնական առավելություններից է նաև նրա թռիչքի առավելագույն բարձրությունը, որը կազմում է շուրջ 21600 մ։ ՄիԳ-31 կործանիչները զարգացնում են մինչև 3000 կմ/ժ արագություն։ Նրանց մարտական ազդեցության շառավիղը 720 կմ է։ ՄիԳ-31 կործանիչները ունակ են թիրախներ հայտնաբերել մինչև 280 կմ-ի վրա։

Սպառազինություն

Ռուսաստան 252 հատ
Ղազախստան 29 հատ
Սիրիա 6 հատ

Տես նաև

Աղբյուրներ