Cemiterio de Boisaca

O Cemiterio municipal de Boisaca é o principal cemiterio do concello de Santiago de Compostela, con 66.000 metros cadrados e unhas 12.000 prazas entre sepulturas (8.659), nichos (2.433) e panteóns (168).^[1] Está situado no lugar de Boisaca, ó norte da cidade, a carón do Polígono industrial do Tambre e da estrada N-550.

O lugar foi escenario de varios fusilamentos durante os primeiros meses da Guerra Civil española^[2], polo cal existe un recordo nun dos muros do cemiterio en homenaxe ós executados, con varias placas dos concellos de Santiago de Compostela e de Ordes.

Personaxes ilustres

Entre os persoeiros enterrados no cemiterio atópanse:

Aurelio Aguirre (1833–1858), poeta.
Simeón García de la Riva (1823–1889), empresario e banqueiro.
José Piñeiro González (1878-1927), aviador.
Roberto Nóvoa (1885–1933), médico e pensador.
Ramón María del Valle-Inclán (1866–1936), escritor.
Xoán Xesús González (1895–1936), mestre, xornalista, avogado, escritor e político.
Modesto Pasín Noya (1903–1936), sindicalista e político, fillo de José Pasín Romero.
Pablo Pérez Costanti (1857–1938), arquiveiro e escritor.
José Pasín Romero (1878–1960), sindicalista e político.
As dúas Marías (1980 e 1983), populares veciñas de Santiago.
Ricardo Carballo Calero (1910–1990), filólogo e escritor.
Antón Fraguas (1905–1999), historiador e antropólogo.
Roberto Vidal Bolaño (1950–2002), autor, director e actor de teatro.
Domingo García-Sabell (1909–2003), médico, escritor, político e académico.
Isaac Díaz Pardo (1920–2012), intelectual, artista e empresario.
Xerardo Fernández Albor (1917–2018), presidente da Xunta de Galicia.