Arletty

Arletty
Irudi gehiago
Bizitza
Jaiotzako izen-deiturak	Léonie Maria Julia Bathiat
Jaiotza	Courbevoie, 1898ko maiatzaren 15a
Herrialdea	Frantzia
Lehen hizkuntza	frantsesa
Heriotza	Parisko 16. barrutia eta Paris, 1992ko uztailaren 23a (94 urte)
Hobiratze lekua	Cimetière des Fauvelles (en)
Hezkuntza
Hizkuntzak	frantsesa
Jarduerak
Jarduerak	aktorea, abeslaria, modeloa, zinema aktorea eta antzerki aktorea
Lan nabarmenak	ikusi Hôtel du Nord (en) Extenuating Circumstances (en) Le Jour Se Lève (en) Les Visiteurs du Soir (en) Les Enfants du paradis
Izengoitia(k)	Arletty
Musika instrumentua	ahotsa

Léonie Marie Julie Bathiat (Courbevoie, 1898ko maiatzaren 15a - Paris, 1992ko uztailaren 24a), Arletty ezizenaz ezaguna, frantses antzezle eta modeloa izan zen.

Lehenik, fabrika batean lan egin zuen, eta gero, idazkari- eta modelo-lanak ere egin zituen. 32 urte zituela hasi zen zineman, René Hervilen La douceur d´aimer (1930) filmean. Hurrengo urteetan, komedia arinen edo arrakasta handiko antzerki-egokitzapenen antzezpenekin txandakatu zituen eszenako lanak. Jacques Feyderren Pension Mimosas (1935) izan zuen urte haietako lehen lan garrantzitsua. Bi urte geroago, Sacha Guitry Frantziako zinema- eta antzerki-munduko gizon ospetsuak hiru aldiz deitu zuen, Faisons un réve, Désiré, eta Les perles de la couronne lanetarako. Ospe handiena, ordea, hurrengo urtean lortu zuen, Marcel Carnék zuzendutako Hôtel du Nord (1938) filmarekin. Zuzendari horren hurrengo hiru maisulanetan ere parte hartu zuen: Le jour se lève (1939), Les visiteurs du soir (1942) eta Les enfants du paradis (1943). Grazia aparta eta umore-sena miresgarria zituen, Parisko langileriaren ohiko itxura oroitarazten zuen Arlettyk. Carnéren azken bi filmak egin ziren garaian, ordea, alemaniarren esku zegoen Paris, eta Arlettyk harreman arriskutsuak izan omen zituen etsaiarekin; hori zela-eta, bi urtez deserriratu zuten probintzietara. Hala ere, antzezpen-lanak egiten jarraitu zuen, 1962an jasandako istripu baten ondorioz ia erabat itsutu zen arte.

Wikimedia Commonsen badira fitxategi gehiago, gai hau dutenak: Arletty