Lozice

Lozice
municipo en Ĉeĥio vd
Flago	Blazono
Administrado
Statuso	Vilaĝo
Lando	Ĉeĥio
Regiono	Pardubice
Distrikto	Chrudim
Fondita	1131 (la unua skriba mencio)
Poŝtkodo	538 54
En TTT	Oficiala retejo [+]
Demografio
Loĝantaro	171  (2024) [+]
Loĝdenso	46 loĝ./km²
Geografio
Geografia situo	49° 55′ N, 16° 1′ O (mapo)49.91651581201916.023843213302Koordinatoj: 49° 55′ N, 16° 1′ O (mapo) [+]
Alto	281 m [+]
Areo	3,678001 km² (36 7.8 001 ha) [+]
DMS Lozice Ĉeĥa respubliko
Alia projekto
Vikimedia Komunejo Lozice [+]
v • d • r

Vilaĝo Lozice situas en Ĉeĥio, regiono Pardubice, distrikto Chrudim, en milde ondoforma regiono en valo de la rivero Novohradka, 3 km norde de la urbo Luže, 8 km oriente de la urbo Chrast. Vivas ĉi tie 171 loĝantoj (2024).

Pri malgranda vilaĝo Lozice estas la unua skriba mencio jam el la jaro 1131, kiam en nedatita dokumento, pere de kiu episkopo el Olomouc Jindřich la 2-a, nomata Zdík, verŝajne filo de ĉeĥa kronikisto Kosmas, konsente de papo Inocenc la 2-a, Majenca arĥiepiskopo kaj metropolito Adalbert la 1-a kaj de ĉeĥa princo Soběslav la 1-a transigas katedron de episkopejo Olomouc el la preĝejo de Sankta Petro en nove konstruitan templon de Sankta Venceslao. La templo estis konsekrita la 30-an de junio 1131 kaj la episkopo ekipis la novan katedron ankaŭ per sufiĉa havaĵo, inter aliaj per aĉeto de la vilaĝo Lozice. Per tio nerekte estas konfirmita tiama ekzisto de Lozice.

Fine de la 14-a jarcento Lozice jam ne estis en havaĵo de la katedro, sed ĝi apartenis al sinjorejo Rychmburk. Atestas pri tio enigo en landaj tekoj el la jaro 1392 per kiu Smil Flaška el Pardubice transigas la sinjorejon Rychmburk, urbojn Skuteč, Hlinsko kaj Svratka kaj 58 vilaĝojn al Otta el Bergov kaj Boček el Kunštát. Inter nomataj vilaĝoj estas ankaŭ Lozice "ĉe vadejo" (komprenu trans rivero Novohradka). La vadejo eble estis uzata ĝis la jaro 1886, kiam estis konstruita ŝtona ponto kun tri arkoj, kiu estas protektata kultura memorindaĵo.

La sinjorejo Rychmburk, ĉiam kun vilaĝo Lozice, poste apartenis al diversaj posedantoj ĝis la jaro 1850, kiam ĝi apartenis al familiaro Thurn-Taxis kaj kiam la patrimonia administrado estis anstataŭigita per nova administrado ŝtata.

La nomo Lozice verŝajne devenas de ĉeĥa (slava) vorto "loza" signata vergaĵon, plej ofte salikan aŭ vinberan.

• Marek Podhorský: Pardubický kraj. Eldonis freytag & berndt, eldonejo en Prago en j. 2004.

• Oficialaj paĝoj de la vilaĝo ĉeĥe Arkivigite je 2016-12-26 per la retarkivo Wayback Machine
• Paĝaro de Asocio de komunumoj Košumberk ĉeĥe Arkivigite je 2009-08-26 per la retarkivo Wayback Machine
• Mapo

Ĉi tiu artikolo ankoraŭ estas ĝermo pri Ĉeĥio. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).