Budislav (distrikto Svitavy)

	Budislav
	municipo
	Budislav
Flago	Blazono
	Oficiala nomo: Budislav
Ŝtato	Ĉeĥio
Regiono	Regiono Pardubice
Distrikto	Distrikto Svitavy
Administra municipo	Litomyšl
Historia regiono	Bohemio
Montaro	Svitava montetaro, Suprasvratka montetaro
Rivero	Desná
Situo	Budislav
- alteco	520 m s. m.
- koordinatoj	49° 47′ 47″ N 16° 09′ 58″ O / 49.79639 °N, 16.16611 °O (mapo)
Katastro	8,05 km² (805 ha) Budislav u Litomyšle
Loĝantaro	508 (2024)
Denseco	63,11 loĝ./km²
Naturrezervejo	Maštale
Unua skribmencio	1318
Horzono	MET (UTC+1)
- somera tempo	MET (UTC+2)
Poŝtkodo	569 65
NUTS 3	CZ053
NUTS 4	CZ0533
NUTS 5	CZ0533 577910
Katastraj teritorioj	1
Partoj de municipo	1
Bazaj setlejunuoj	1
	Situo enkadre de Ĉeĥio Situo enkadre de Ĉeĥio
	Vikimedia Komunejo: Budislav (Svitavy District)
	Retpaĝo: www.obecbudislav.cz/
	Portalo pri Ĉeĥio

Por aliaj signifoj, bv. rigardi la apartigilan paĝon: Budislav

Koordinatoj: 49° 47′ 47″ N 16° 09′ 58″ O / 49.79639 °N, 16.16611 °O (mapo)

Vilaĝo Budislav situas en Ĉeĥio, regiono Pardubice, distrikto Svitavy, ĉe la ŝoseo n-ro 359 inter Litomyšl kaj Proseč, 5 km oriente de Proseč kaj 8 km okcidente de Dolní Újezd. Vivas ĉi tie 508 loĝantoj (2024). Ĝi estas pentrinda vilaĝo kun originaj domoj sur rando de areoj de čarmaj sabloŝtonaj rokaj figuroj nomataj Maštale (Toulovcovy maštale kaj Městské maštale). Vavřinec Toulovec, kies nomon parto de la areo portas, estis riĉa burĝo en Litomyšl en la fino de 14-a kaj la komenco de 15-a jarcentoj, al kiu apartenis vilaĝoj Budislav, Jarošov, Mladočov kaj Desná.

La najbaraj municipoj de la setlejo estas Jarošov, Lubná, Proseč, Poříčí u Litomyšle kaj Chotěnov.

Historio

Lernejo

Antaŭ la jaro 1824 devis katolikaj infanoj el Budislav viziti lernejon en Mladějov kaj evangelianaj infanoj lernejon en Proseč. Ĉefe en vintraj monatoj, kiam la vojo estis malfacila aŭ iam eĉ danĝera, jam antaŭ la jaro 1824 oni instruis la infanojn legi, skribi kaj kalkuli sen aprobo en Budislav. En la jaro 1824 estis al la vilaĝo lernejo aprobita, oni plu instruis en privataj domoj sed jam en la jaro 1844 estis en la vilaĝo konstruita nova lerneja domo

Vitrofarejo

En la jaro 1828 komencis produktado en vitrofarejo Marienwald en Posekanec. Oni produktis diversajn vazetojn - kruĉojn, glasojn, cukerujojn, salujojn, korbetojn en diversaj koloroj, simplajn kaj kristalajn. Estis produktata ankaŭ rara rubena vitro enhavanta fanditan dukatan oron. Tamen post kverelo inter posedanto de la fabriko kaj ĝia faka estro en la jaro 1872 produktado malkreskis kaj baldaŭ estis tute ĉesigita.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 423
1880	1 270
1890	1 186
1900	1 085
1910	1 115
1921	1 041

Jaro	Loĝantoj
1930	998
1950	697
1961	702
1970	606
1980	501
1991	435

Jaro	Loĝantoj
2001	435
2011	449
2014	432
2016	444
2017	446
2018	457

Jaro	Loĝantoj
2019	449
2020	448
2021	446
2022	466
2023	480
2024	508

Memorindaĵoj

Preĝejo de Dia amo, moderna kun horizontala projekcio en formo de koro, finita en la jaro 2005
Tombo de sovetaj soldatoj en la vilaĝo
Arbarestra domo kun memorplato de Teréza Nováková
Belvideja turo Toulovec sur Jarošovský monteto
Kelkaj originaj ĉarpentitaj domoj

Legendo

Legendo rakontas, ke muelisto el Budislav faligis kontraŭleĝe grandan liman abion. Ĉe la faro kaptis lin arbargardisto kaj la muelisto estis kondamnita porti duonon de peza muelŝtono de sia muelejo al la loko kie la krimo estis farita. Tiel okazis, sed la muelisto pro tuta senfortiĝo sur la loko mortis. La loko, kie tiu tragedio okazis, estis signita per ligna kruco datita 1749. La kruco estis pli poste novigita kaj en loko nomata "Ĉe la muela ŝtono" ĝi ankoraŭ nun staras.