Sahi

Sahi^[1] (hurup Arab Gundul: شاهى) atawa tèh^[2] (hurup Arab Gundul: تيه) atawa tè (hurup Arab Gundul: تى; basa Hokkièn: 茶 tê) atawa té^[3] (hurup Arab Gundul: تى; basa Welanda: thee) entu atu minuman nyang ada kapèinnya. Ni minuman – minuman seduhan daon, pucuk daon, atawa tangké nyang dikeringin deri taneman Camellia sinensis paké aèr panas.^[4] Sahi nyang deri taneman tèh dibagi jadi empat kelompok: tèh item, tèh oliong^[5], tèh ijo, ama tèh puti.

Kata "té" juga' kena dipaké bakal minuman nyeng dari buah, rempa-rempa, atawa laèn-laèn taneman obat bakal disedu, kaya' té rosenbotel^[6], té kamomil, té seruni, ama té jiaogulan.

Sahi entu sumber alamiah bakal kapèin, téopilin, ama antioksidan dengen kedar lemak, karbohidrat, atawa protèin ampir nol persèn. Rasanya – rada pait dah tu, mangkanya jadi has dah dia punya rasa.

Sahi kembang dengen campuran kuncup kembang melati nyang biasa digero' té melati atawa té wangi melati juga' atu jenis sahi nyang mashur di Indonésia.^[7] Konsumsi sahi di Indonésia saban tahonnya 0,8 kilogram per kapita, masing jauh kalo dibandingin ama laèn-laèn negara, bagèn kata ni negara – negara pengasil sahi paling gedé nomor lima di antéro dunia.^[8]

1. ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
2. ↑ al-Batāwī, Sayyid ʿUṡmān b. ʿAbd Allāh b. Yaḥyā. (1897). Kamus kecil: Arabiah-Melayu-Sunda. Betawi.
3. ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
4. ↑ antaranews.com. "Asal mula munculnya istilah "teh"". Antara News (dalem basa Indonésia). Dipungut 2023-11-13.
5. ↑ Tèh oliong (hurup Arab Gundul: تيه اوليوڠ) – teh oolong (Indo.); oolong tea (Ing.); 乌龙茶(ring.)/烏龍茶 (terd.) o͘-liông-tê (Hok.).
6. ↑ Rosenbotel (hurup Arab Gundul: روسنبوتل) – rose hip (Ing.); rozenbottel (Wld.).
7. ↑ "Minum Teh Juga Memiliki Manfaat Kesehatan". Diarsipin deri nyang asli tanggal 2007-03-12. Dipungut 29 November 2008. {{cite web}}: Unknown parameter |dead-url= ignored (|url-status= suggested) (pertulungan)
8. ↑ "4. Sugar and beverages". FAO. Dipungut 29 November 2008. Major producers are: India, which accounts for about 29 percent of global production; China, 23 percent; Sri Lanka, 9 percent; Kenya, 8 percent; and Indonesia, 6 percent.