Geoffrey Chaucer

Geoffrey Chaucer (bädden^[1] uum 1343, weerskienelk in London; stuurwen weerskienelk ap dän 25. Oktober 1400 in London) waas aan ängelsken Dichter. In een Tied, as in Änglound Latiensk, Frantsöösk af Anglonormannisk skrieuwen wude, skreeuw hie, as dät Foulk boalde: Hie skreeuw ap Middel-Ängelsk. Hie orientierde sik an ju Frantsööske un Italieenske Literatuur, wier hie uk wät fon uursätte. Dät bekoandste Wierk fon Geoffrey Chaucer sunt do Canterbury Tales (Canterbury-Tälstere). Dät sunt ferskeedene Tälstere, deelwiese snurrich, deelwiese iedenst, do in ju Roome-Honnelenge foated sunt, dät Pilgere ap dän Wai ätter Canterbury sunt, un älken moal wät fertält.

1. ↑ "bädden" is een oold Woud foar "gebooren"