Geoffrey Chaucer
| Geoffrey Chaucer | ||
|---|---|---|
 | ||
| Mba'apo | Haihára ha ñe'ẽpapára | |
| [editar datos en Wikidata] | ||
Geoffrey Chaucer [ 'ʤefɹi 'ʧɔ:sə] (Lóndyre, c. 1343-ibídem, 25 jasypa 1400) ha'e akue peteĩ haihára, arandupykuaatyhára, diplomático ha ñe'ẽpapára Ingyatérra pegua, ojeikuaaitéva ojapohaguére Canterbury Mombe'urãnguéra.[1] Ojehechakuaa ñe'ẽpapára Ingyatérra pegua tuichavéva ramo Ára Mbytegua pukukuévo ha peteĩha oñeñotỹ va'ekue amo Ñe'ẽpaparakuéra Kotyruguápe, Tupão guasu Westminster ryepýpe.[2]
Hekove pukukuévo oñemoherakuã porãite avei omba'apóvo alquimista ha mbyjakuaahára ramo. Heta oñemomba'e ichupe hembiapokue ojeikuaavévare, Canterbury Mombe'urãnguéra (The Canterbury Tales), hembiapokua ambuéva apytépe jareko Dukésa aranduka (The Book of the Duchess), Terakuã Róga (House of Fame), Kuñanguéra Marangatu Mombe'urã (Legend of Good Women) ha Troilo ha Crésida (Troilus and Criseyde).
Chaucer rembiapokue rupive oñemomba'e ha oñembojepytaso Ingleñe'ẽ jeporu ñe'ẽporãhaipyrépe, upe jave ojeiporu gueteri Hyãsiañe'ẽ ha Latinañe'ẽ arandukakuéra jehaípe.[3]
Hembiapokue tuichamba'e Ingleñe'ẽme ko'ãga peve, iñarandukakuérape ha mombe'urãnguérape ojehairaẽ heta ñe'ẽngue, upe rupive oñemomba'eve Ingleñe'ẽ.
Mandu'apy
[jehaijey | emoambue kuatia reñoiha]- ↑ «Geoffrey Chaucer in Context», Cambridge University Press, 2019.
- ↑ «Chaucer», Cambridge University Press, 2011.
- ↑ «Chaucer and the idea of Englishness», History Extra.