Italia de giosso

Chin Italia de Zòsso o giòsso (in italianu nàda Sud Italia) si bolet inditàre, dae su puntu de bìsta zeogràficu e istatìsticu, sa parte de sa penìsula italiana chi, appuntu, est in zòsso: nde fàchen parte sas regiones Abrutzu, Basilicata, Calabria, Campania, Molise e Puglia. Prus diffìtzile est a bi pònner sos sartos de sos ex-tzircondàrios de Sora e Gaeta, chi fachìan parte de sa Terra de su Traballu e dae su 1927 in sùsu sun chin su Latziu, e de s'atteru ex-tzircundariu de Cittaducale (chi, dae su 1927, est de sa provìntzia de Rieti, chi fachìat tando parte de s'Abrutzu Ulteriore Secundu), ca prima de su 1860 fin de su Rennu de sas Duas Sitzilias.

Su favèddu de Italia de Zosso est a banda dae cussu de Mezzogiorno, chi est imbètzes un'ente zeo-economicu chi cumprèndet sìat s'Italia de Zosso sìat sa Sitzilia (e, a bortas, sa Sardigna puru).