Милано

Другый найвекшый город Италии Милано Milano Застава Герб Держава ИталияИталия Регион ЛомбардияЛомбардия Метрополитный город Милано Комунита Милано Координаты 45.466667, 9.16666745°28′00″ с. ш. 9°10′00″ в. д. / 45.466667° с. ш. 9.166667° в. д. (G) (O) (Я) Розлога 182[1] км² Надморска вышка центра 122[1] м Обывательство 1 404 431[2] особ (31-12-2019) Часова зона UTC+1, влѣтѣ UTC+2 Телефонный код +39 02 Поштовый индекс 20100 Официалный сайт Milano ит.англ. Милано Милано на Викискладѣ

Милано, ит. Milano — главный город региона Ломбардия на сѣверѣ Италии з обывательством 1 404 431 особы (зачатком рока 2020), другый найвекшый город Италии по Римѣ.^[2][1] З подгородами творить агломерацию з обывательством понад 4 млн. особ, а з провинциов Милано — понад 7 млн. особ.^[3]

Город положеный на сѣвер од рѣкы По и на юг од Алп в серединѣ обширной ровнины. Центер города лежить в надморской вышцѣ 122 м.^[1] Великый транспортный узел (желѣзниця, автодорогы), меджинародны летиска Малпенса и Линате; од року 1964 метро.^[3]

В року 222 до н. е. доставать ся под владу Римской империи и несе назву Ме­дио­лан лат. Mediolanum. Период ренесанчной проспериты зачав ся в року 1450, коли Франческо Сфорца, немилосердный и честолюбивый воевода, заняв город и основав нову династию. Под владов рода Сфорца город быв до року 1535, коли перешов испанскым Габсбургам, а в року 1706 — австрийскым.^[3]

Продукция авт (Alfa Romeo), моторок и скутерох (Lambretta), аеропланох, електроапаратох, металообробка, гумарскый промысел (Pirelli), выроба конфекции и значкового убраня (Armani , Versace , Ferré, Prada, Dolce & Gabbana и Missoni). В найновшых «постиндустриалных часах» фурт векшу вагу доставать финанчный сектор, реклама и торговля.^[1] В 2000-х роках в службах уже были затруднены понад 60% працуючых.^[3]

Милано — великый центер наукы, образованя и културы Италии. Найвекшый архитектурный памятник — готична катедрала (Duomo), една из найвекшых в Европѣ, з капацитов над 20 000 особ, быв зачатый в року 1386, а завершеный при Наполеонѣ I.^[3]

• Lecco, Alberto and Foot, John (20 Aug. 2021). Milan. Encyclopedia Britannica. https://www.britannica.com/place/Milan-Italy. англ.
• Вяземцева А. Г., Галкина Т. А., Матвеева А. Г.. Ми­лан. // Большая российская энциклопедия. Москва, 2012. Том 20, стр. 296–300. https://old.bigenc.ru/geography/text/2213462. русс.