نطق
"نطق" جدید ترکی دے بانی راہ نما مصطفٰی کمال اتاترک دا 1927ء وچ ترکی دی قومی اسبلی وچ خطاب دا ناں اے۔ لگاتار 6 دن تک جاری رھن والے ایس اجلاس وچ مصطفٰی کمال اتاترک نے ساڑھے چھتی گھنٹے خطاب کیتا تے آپ ای ایس خطاب نوں "نطق" دا نام دتا۔ اپنے ایس خطاب وچ اونہاں نے ترکی وچ بادشاہت دے اخیر تے ترکی دے زوال توں عروج تیک پہنچنے دی ہمت تے کوششاں نوں بیان کیتا نال مستقبل وچ ترکی لئی کامیابی دے تسلسل نوں ویکھن دی خواہش دا اظہار وی کیتا۔ مصطفٰی کمال اتاترک دے اس خطاب دی پہلی وار اشاعت 1927ء وچ "عثمانی زبان" وچ ہوئی جیدا رسم الخط عربی زبان دے مطابق سی۔ اس دے بعد اس نوں انگریزی، فرانسیسی، جرمن، روسی، فارسی، ترکمانی تے قزاقی زبان وچ وی شائع کیتا گیا۔ فروری 2011ء وچ پروفیسر ڈاکٹر احمد بختیار اشرف تے پروفیسر ڈاکٹر جلال صوئیدان ھوراں نے ایس دا اردو ترجمہ کیتا، ایسے خطاب نوں انقرہ وچ قائم سرکاری ادارے "مرکز مطالعہ اتا ترک" نے شائع کیتا۔