Rebombeta

Rebombeta (var. raspalheta, escudeleta, sopeta, arricoquet) es un jòc que consistís a lançar de còdols plats orizontalament sus l'aiga per los far sautar en sauts successius en lisant sus la susfàcia del liquid. L'objectiu es d'arribar a far far al còdol un maximum de rebombs.

Cal causir los calhaus los mai prims possible e d'una talha sufisenta per qu'en los lançant a flor d'aiga s'enfonsan pas per encausa de son pes e rebombisson mantes còps sus la susfàcia aquosa.

La North American Stone Skipping Association (NASSA), fondada per Coleman-McGhee, en 1989 a Driftwood, Tèxas, organizèt de campionats mondials durant quatre ans de 1989 a 1992 ^{[cal referéncia]} a Wimberley, Tèxas.

Una explicacion fisica del lançament de còdols foguèt facha per Lazzaro Spallanzani al sègle XVIII.

La pèira crèa una ascension del meteis biais qu'un freesbee, en empenhent l'aiga cap aval mentre que se mòu de galís per l'aiga. La tension de susfàcia i fa fòrça pauc. La rotacion de la pèira agís per l'estabilizar contra la fòrça d'ascension aplicada darrièr ela.

Una recèrca entrepresa per una equipa dirigida pel fisician francés Lydéric Bocquet descobriguèt qu'un angle de prèp de 20° entre la pèira e la susfàcia de l'aiga es optimal. Bocquet e los sieus collègas foguèron estonats de descobrir que de cambiaments de la velocitat e de la rotacion cambièron pas aquel fach. Un trabalh de Hewitt, Balmforth e McElwaine a mostrat que se la velocitat orizontala pòt èsser mantenguda los rebombs pòdon contunhar indefinidament. Las recèrcas fachas per Bocquet mostrèron que lo recòrd mondial de 38 rebombs de Coleman-McGhee, imbatut pendent fòrça ans, requeriguèt una velocitat de 12 m/s (25 mph), amb una rotacion de 14 torns per segonda.

• Coleman, Jerry. The Secrèts of Stone Skipping, Stone Age Sports Publications, January 1996 ISBN: 9781883856014
• Lorenz, Ralph. Spinning Flight: Dynamics of Frisbees, Boomerangs, Samaras and Skipping Stones, Copernicus New York, September 2006 ISBN: 0-387-30779-6