Trancefer

Meldingar
Karakter
Kjelde	Karakter
Allmusic	[1]

Trancefer er det 14. albumet av Klaus Schulze. Det kom ut i 1981 og igjen i 2006 med bonusspor.

Klaus Schulze spelte inn dette albumet i 1981, like før den digitale alderen slo gjennom for fullt. Musikken har ein metallisk tekstur og kalde klangfargar.^[1]

Wolfgang Tiepold spelar cello på albumet og Michael Shrieve perkusjon. Sjølv om det var det andre albumet til Schulze spelt inn med digitale instrument, har har ein god del diskant, er det eit døme på Berlinskulen som vart utvikla i 1970-åra. Det andre sporet, «Silent Running», var inspirert av science fiction-filmen Silent Running med Bruce Dern i ei av rollene.

Trancefer har ein ganske særeigen stil og arrangement. Det skil seg frå det Schulze hadde laga i 1970-åra på den måten at det ikkje er ein komposisjon som nyttar sekvenserar, transponeringar og ei hovudmelodilinje. Trancefer er meir synkopert og hovudfokuset er på dialogen mellom perkusjonane og akkordane Schulze spelar på ein Yamaha CS-80 synthesizer.

Det kom ei førehandsutgjeving av Trancefer, kalla «Trancefer half-speed cut», som bestod av 300 eksemplar med normal fart på 45RPM, og 500 kopar på 33RPM, 'halfspeed'-versjonen. Miksen er forskjellige frå originalalbumet.

Alle songar er skrivne av Klaus Schulze.

• Trancefer på den offisielle nettsida til Klaus Schulze
• Trancefer på Discogs (liste over utgjevingar)