Austroasiatiske språk

Austroasiatiske språk er ein språkfamilie i Søraust-Asia og det nordaustlege India. Namnet kjem frå greske ordrøter og tyder Sør-Asia. Dei austroasiatiske språka blir ikkje snakka i ein samanhengande region, fordi han vert splitta opp av andre språk og språkfamiliar. Sannsynlegvis høyrer talarane av austroasiatiske språk til ein veldig gammal folkesetnad i Sør- og Søraust-Asia, og talarane av dei andre språka har kome til regionen seinare. Blant desse er talarar av indoeuropeiske språk, tai-kadai-språk og sinotibetanske språk.

Det er fleire framlegg til inndeling av dei austroasiatiske språka. Eitt kjem frå Ilja Peiros, som går inn for ei tredeling, i nikobaresisk, munda og mon-khmer. Eit anna kjem frå Gérard Diffloth (2005), som også held munda for seg, men som skil ut ei eiga nordleg mon-khmer-gruppe, og lèt nikobaresisk vere ein del av mon-khmer. Ethnologue følgjer Diffloth. Peiros si inndeling er basert på den leksikostatistiske metoden (graden av språkslektskap er proporsjonal med graden av slektskapsord i dei moderne orda), dette er ein kontroversiell metode. Paul Sidwell (2009) viser at den leksikostatistiske metoden faktisk gjev større skilnader internt i kvar potensielle undergruppe enn undergruppene i mellom. Basert på den historisk-komparative metoden viser han at det ikkje er grunnlag for å gruppere nokre av dei tretten ukontroversielle grupene saman, og han går derfor inn for ein flat kam-lik struktur. I seinare arbeid går han nærare inn på delar av familien og argumenterer for at khasispråka og dei palaungiske språka har eit felles urspråk.

• Munda
• Khasisk-palaungisk
• Khmuisk
• Pakanisk
• Vietisk
• Katuisk
• Bahnarisk
• Khmer
• Pearisk
• Nikobaresisk
• Aslisk
• Monisk

• Ethnolog sitt oversyn over austroasiatiske språk
• Kart over utbreiinga til dei austroasiatiske språka.^{[daud lenkje]}

• Paul K. Benedict, Austro-Thai Language and Culture. New Haven: HRAF Press, 1975. ISBN 0-87536-323-7 (Om den austriske og austro-thai-hypotesen)
• Daladier, Anne 2011: The group Pnaric-War-Lyngngam And Khasi as a branch of Pnaric Arkivert 2016-07-23 ved Wayback Machine., Journal of the Southeast Asian Linguistics Society 4.2:169-206.
• Robert Parkin, A Guide to Austroasiatic Speakers and Their Languages. (Oceanic Linguistics Special Publication; 23). Honolulu: University of Hawaii Press, 1991. ISBN 0-8248-1377-4
• Peiros, Ilia J. 2004. Genetičeskaja klassifikacija avstroaziatskix jazykov. Moskva: Rossijskij gosudarstvennyj gumanitarnyj universitet (dissertacija)
• Sidwell, Paul 2010: The Austroasiatic central riverine hypothesis. Journal of Language Relationship • Вопросы языкового родства 4 (2010), Pp. 117–134
• Sidwell, Paul 2011: Proto-Khasian and Khasi-Palaungic Arkivert 2016-07-23 ved Wayback Machine. Journal of the Southeast Asian Linguistics Society 4.2:144-168.