Löper (Schach)
| Schachfiguren | |
|---|---|
| König | |
| Daam | |
| Toorn | |
| Löper | |
| Peerd | |
| Buer | |
De Löper is en Speelfigur ut dat Schachspeel. Tosammen mit dat Peerd höört he to den Lichtfiguren. To den Anfang vun en Partie hett jedeen Speler twee Löpers. De witte Damenlöper fangt op dat Feld c1 an, de swatte op c8. De witte Königslöper steiht to Anfang op dat Feld f1, de swatte op f8.
Woans treckt de Löper?
[ännern | Bornkood ännern]
| |||||||||||||||||||||||||||||||||||||||||||||||||||||||||||||||||||||||||
| De swatte Löper kann op alle Feller trecken, de mit X markeert sünd. De witte Löper kann op alle Feller gahn, de mit en Punkt markeert sünd, un he kann den swatten Buern slaan | |||||||||||||||||||||||||||||||||||||||||||||||||||||||||||||||||||||||||
De Löper treckt diagonaal so wiet över dat Brett as he will. Över annere Figuren kann he nich springen. Wenn de eerste Figur, de op sien Padd steiht, to den Gegensmann höört, kann he disse Figur slaan. Ut disse Regeln folgt ok, dat en Löper de Klöör vun de Feller, op de he treckt, nich wesseln kann. So hett jedeen Speler een wittfeldig Löper un en swattfeldig Löper.
Weert
[ännern | Bornkood ännern]De Löper is üm un bi so veel weert as dree Buern un dormit is he üm un bi so veel weert as dat Peerd. Wenn de Positschoon apen is, hett de Löper en Vördeel över dat Peerd, wieldat he wiet trecken kann.
Wat maakt een mit en Löper?
[ännern | Bornkood ännern]In’t Vörspeel
[ännern | Bornkood ännern]To Anfang vun en Partie wullt de Spelers geern de Löpers in en strateegsch gode Positschoon bringen. Dat is geern in de Meern vun’t Brett. En Alternatiev dorto is dat Fianchetteren, dorbi steiht de Löper an de Siet achter en egen Buer, so dat he op dat Zentrum teelt.
In’t Middelspiel
[ännern | Bornkood ännern]In’t Middelspeel hängt veel vun de Klöör vun de Feller af, op de de Löper löppt. As he disse Klöör nich wesseln kann, bruukt he dat, dat de egen Buern mööglichst op Feller vun de annere Klöör staht, so dat se nich op den Weg sünd. Un wenn de Buern vun den Gegensmann ok op de annere Klöör staht, hett he frie Bahn, de anneren Figuren vun den Gegensmann antogriepen.
In’t Endspeel
[ännern | Bornkood ännern]Dat Mattsetten mit twee Löpers un König gegen en enkelten König is nich swoor. Dat Mattsetten mit Löper, Peerd un König gegen König is mööglich, aber denn mutt een goot weten, woans dat geiht. Mit bloots een Löper un König is en Matt gegen en enkelten König nich mööglich. Dat gifft keen Mattpositschoon.