Urang Alune

Suku Alune adolah salah satu suku banso kuno di Pulau Seram, Indonesia. Jumlah anggotanyo mancapai 17.000 jiwa dan manetap di 27 kampuang di wilayah barat-tangah pulau. Alune atau Alufuru yang barati suku banso yang partamo^[1] "manusia awal" itu sababnyo urang Alune jo urang Wemale di sabuik suku awal yang mandiami daerah atau pulau Seram, urang suku Alune ko juo disabuik sabagai "manusia nunusaku" yang barati urang yang mandiami sabuah danau, iolah satu danau yang ado di kapulauan Seram, yang mano danau ko di anggap sabagai danau suci nan karamat bagi urang suku Alune dan manjadi sumber mato aia untuak babarapo anak sungai yang ado di pulau Seram itu.

Sabuah kutipan yang dituangkan dalam tulisan Sahusilawane (2005), manjalehan badasarkan panyelidikan geologi pambantuakan pulau-pulau di Maluku tajadi pado maso Mesozoikum dan Neozoikum yakni antaro 150 juta sampai 1 juta taun yang lalu. Pulau Seram tanyato marupokan pulau yang tatuo struktur geologinyo. Di maso Plestocen Kapulauan Maluku barado di lua daerah daratan Asia dan lataknyo labiah dakek jo dataran Sahul yang bahubuangan jo Benua Australia. Sahusilawane juo mangutip pandapek ahli paleoantropologi yang mangatokan kalau manusia Wajak (Homo Wajakensis) daerah pasebarannyo sampai pulo di Benua Australia yang akhirnyo manurunkan ras-ras Austro Melanesia dan Proto Melayu, namun pandapek iko alun bisa dibuktikan sampai kini.^[2]

Manuruik Antropolog AH Keane, Pulau Seram marupokan pulau yang tatuo di Maluku, pado zaman dulu alah didiami oleh suku-suku Alifuru yang disabuik oleh antropolog Keane sabagai banso Alfuros. Suku banso Alfuros iko adolah pacampuran antaro banso Kaukasus, Mongol, jo Papua. Di Pulau Seram Suku banso Alfuros iko takenal dengan namo suku banso Alune dan Wemale. Salanjuiknyo antropolog Sachse dan DR O.D Taurn bapandapek bahwa suku Alune barasa dari utara, kamungkinan dari Sulawesi Utara dan Halmahera, sadangkan suku bansp Wemale barasa dari timua kamungkinan dari Melanesia.^[2]

Dari uraian diateh tampaknyo dapek disimpuakan duo hal tentang teori migrasi yang manyebuikan parihal asal-usua manusia jo budaya di Indoensia tarutamo daerah Maluku, yakni: partamo: teori yang manjelahkan bahwa asal-usua jo ras manusia jo budaya yang bakambang di Indonesia, barasa dari ras Austro Melanosoid yang cikal bakalnyo barasa dari Benua Australia (Austroloid). Ras iko manghasilkan budaya Austronesia yang dapek ditunjuakkan jo adonyo panggunoan bahaso-bahaso rumpun Austronesia. Kaduo; teori yang manyabuik justru dari Indonesia, niniak moyang Austroloid barasa. Budaya Autronesia yang dibaok oleh banso Austroloid iko kamudian manyebar hinggo ka bagian barat Madagaskar. Australia (suku Aborigin?) jo Papua New Guinea yang tamasuak ras Asutroloid, manuruik teori iko, niniak moyangnyo barasa dari Indonesia. Meskipun kaduo teori migrasi yang salamo iko dianut saliang batolak balakang, manyangkuik asal-usua manusia, budaya dan persebarannya di nusantara, namun dapat dilihat titik kesamaannya, yakni kedua teori sama-sama meyakini bahwa budaya yang bakambang di Indonseia adolah budaya Austronesia yang dibaok jo disebarkan oleh ras Austro Melanesoid. Manyangkuik pihak mano yang partamo kali manyebarkan atau manarimo pangaruahnyo, apokah barasa dari Indonesia sandiri, atau benua Australia sabagai cikal baka budaya Austronesia, pado titiak iko kaduo teori babeda namun masih tatap diacu, maingek pambuktian tabaru manyangkuik iko alun ado.

Suku Alune manuturkan bahaso Malayu-Polinesia. Bahaso iko dikenal juo banamo bahaso Sapalewa atau Patasiwa Alfoeren dan mampunyoi babarapo dialek, meski jumlah panuturannyo yang saketek. Dialek paliang banyak adolah dialek Rambatu.

Sarupo kalompok manusia kuno yang manatap di padalaman Seram, suku Alune sacaro tradisional hiduik dari hasil hutan. Makanan urang suku Alune barasa dari batang sagu dan mampraktekkan pananaman bapindah-pindah.

Laki-laki jo padusi manggunokan saketek pakaian karano lingkungan yang lambok. Dalam kahidupan sahari-hari, urang gadang Alune manggunokan kain pinggang pendek yang tabuek dari serat kulik, sama sarupo baju tapa Polinesia^[3]. Kain pinggang iko mamanjang hinggo di ateh lutuik dan kadang mampunyoi pola dekoratif.

Dalam parayaan khusus, lai-lakiurang suku Alune manggunokan baju parang dan mambaok pedang panjang. Laki-laki Alune talibat dalam aktivitas parang tahadap suku-suku lain. Padusi Alune mangoleksi hasil hutan sambia dikawani jo anak-anaknyo.

Samo sarupo Suku Wemale, parayaan kedewasaan padusi Alune adolah paristiwa pentiang. Suku Alune juo marupokan tukang kayu bapangalaman. Rumah-rumah kuno Alune barukuran gadang dan dibangun dari kayu, rantiang dan daun palem.

Budaya dan gaya hiduik Alune barubah banyak dalam babarapo dasawarsa terakhir karena dampak konsumerisme. Juo, kakacauan politik dan kaagamaan sarato konflik di Indonesia mampangaruhi banyak pulau di Maluku.

Mato pancarian suku urang Alune ko meski inyo dikatokan tingga di sabuah pulau, namun nindak ado sumber yang manunjuan kalau urang suku Alone ko mato pancariannyo manjadi nelalyan atau manangko ikan di lawik. Mato pancarian urang suku Alune labiah condong ka patanian, sarupo batanam ubi jala, talas kaladi, pisang, jo sayua-sayuaran. Sistim batani suku Alone pun indak manatam, namun sistim baladang bapindah-pindah atau sistim tabang-baka lalu sasudah itu ladang yang alah di baka akan di tanami samo cangkeh jo tanaman buah-buahan untuak manandoi kalau lahan itulah pernah ditanami urang.

Kamudian suku urang Alune ko juo punyo mato pancarian sambilan iolah manyadap gatah Damar samo baburu untuak mandapean kabutuhan sahari hari samo makonsumsi dagiang dan makanan pokok dari suku urang Alone ko iolah Sagu, Talas Kaladi, jo Ubi jala.

Urang suku Alone marupokan suku yang manganut sistim kakarabatan Patrilineal, jo adat manikah yang Patrilokal. Kadudukan anak laki-laki dalam suku Alune ko di pandang labiah tinggi dari darajat anak Padusi, karano anak laki-laki dinilai labiah tangguh samo labiah perkasa dari anak padusi. Dalam pergaulan sahari-hari pun anak laki-laki jo anak padusi di katokan indak bebas, pasalnyo pergaulan laki-laki jo padusi yang balabiahan di anggap hal yang tabu bagi suku Alune ko.

Perkawinan di suku Alune ko di mulai dari paminangan, meski urang suku Alune ko juo mangenal adonyo kawin lari yang biasonyo dikaranokan pinangan yang di tulak samo pihak kaluargonyo, dan suku Aluno ko juo mangenal mas kawin sabagaimano kabudayaan pakawinan yang umum di Indonesia.

Maso kini ko urang suku Alune alah mulai mangenal agamo Kristen, namun urang tu masih juo ado babarapo masyarakaiknyo yang masih mamegang taguah kapicayoan dari niniak moyangnyo sarupo picayo ka roh-roh niniak moyang atau Animise. Urang suku Alune baranggapan kalau roh niniak moyangnyo mambarikan palinduangan untuak suku katurunannyo dalam kahidupan sahari-hari atau pun ado juo yang maminta patolongan ka roh niniak moyangnyo katiko ado sanak karabat yang kanai panyakik atau sakik yang alah lamo dan alun kunjuang cegak. Kamudian urang suku Alune juo picayo samo hal-hal gaib atau roh-roh jaek yang mambaok malapetaka, atau panyakik sarupo yang alah di sabuikkan tadi.

1. ↑ Melalatoa, M.J. (1995). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. hlm. 24. Diakses tanggal 2023-1-17.
2. ↑ ^{a b} Wuri Handoko. (2007). Asal-Usul Masyarakat Maluku, Budaya dan Persebarannya :Kajian Arkeologi dan Mitologi. Kapata Arkeologi Vol.3 No. 5. Hlm. 8-9. Di akses pada 2023-1-27.
3. ↑ Sachse, F. J. P., "Het Eiland Seram en zijne Bewoners". Leiden, 1907