Urang Dampelas

Urang Dampelas (bahaso Inggirih: Dampelas tribe), marupokan suku bangso yang mandiami Dampelas Sojol, Kabupaten Donggala dan kabupaten Tolitoli kamudian suku ko juo marupokan salah satu dari 24 ^[1] yang ado di provinsi Sulawesi Tengah . Suku iko takenal karano mampunyoi tradisi adaik yang uniak jo bando-bando pusako sakti jo bakhasiat untuak malawan musuah. Urang yang mamakai benda-benda pusako itu indak ka mampan dek sihir atau guno-guno (santet) jo ilmu itam lainnyo. Contoh ciek ritual suku Dampeles ko adolah Dabang yang marupokan ritual dan budayo suku Dampeles dari dahulu.

Badang ko di lakukan katiko apobilo ado salah surang anggota suku nan sakik, mako akan di adokan jamuan makan yang mano makanannyo di bantuak sarupo buayo, yang di buek dari bareh katan sasudah itu untuak kaki jo tangannyo di buek dari buah pisang dan di ateh makanan nan babantuak buayo tu di latakan ayam baka, sudah tu di sadiokan pulo tambakau jo siriah.

Bantuak makanan nan sarupo buayo di ambiak dari sijarah pado zaman dahulu, kalau ado buayo kamba di danau Dampeles dan kambarannyo itu di sabuik-sabuik dek urang banamo Dabang. Konon Dabang iko marupokan garih katurunan dari kambaran buayo tersebut, dan budaya iko masih di patahankan sampai kini.

Sabagian gadang suku Dampelas baragamo Islam tapi urang tu juo mampatahankan kapicayoan animisme nyo. Suku Dampelas mengenal babagai namo makhluk untuak kakuatan gaib dan juo sabagai tampek mamintak palinduangan jo tampek mamohon berkaik manggunokan caro-caro tatantu. Suku Dampelas juo dikenal sabagai suku yang masih manggunokan bando-bando sakti yang bakhasiat sabagai panangka serangan musuah. Urang yang manggunokan alat iko saakan-akan manjadi kebal, indak bisa di gaduah samo antu atau setan, anti samo guno-guno dan lain sabagainyo.^[2]

Suku Dampeles mampunyoi tradisi yaitu upacara kamatian yang marupokan papaduan antaro adaik jo agamo, antara lainnyo:

• mogupas, yaitu upacara adaik sabagai panghormatan tarakhir bagi urang yang maningga;
• moguto bwuiyano, upacara mausia wabah atau panyakik kronis;
• mobuso, gabuangan duo upacara adaik, yaitu monilam yang bararti basunaik atau bakhitan jo malead yang bararti baratakkan gigi bagi anak gadih;
• moduai, upacara adaik manyambuik tamu.^[2]
• menembel, iolah tradisi yang di adokan untuak maubek salah surang anggota kaluargo yang sakik dan indak bisa di ubek sacaro medis. Sabalun masuak ka tahap barubek talabiah dahulu di lakukan prosesi Mancerek, Mancerek iolah proses maambiak darah salah surang anggota kaluargo yang masih sakaturunan jo urang yang akan di ubek dan sasudah itu baru di mulai proses baubeknyo.^[3]

babarapo pakakeh musik tradisional yang barasa dari Suku Dampelas Sulawesi Tengah, antaro lain:^[4]

Untuak mato pancarian suku Dampeles ko ado di babagai sektor, salah satunyo batani. Tapi sistim batani dari suku Dampeles masih mamakai caro lamo, urang ko masih bapindah-pindah tampek untuak batani. Kamudian urang suku Dampeles masih mamanfaatkan rimbo untuak mangumpuan hasil rimbo sarupo kayu Rotan, Damar jo kayu. Salain mangumpuan hasil rimbo, urang Dampeles ko juo mamanfaatkan rimbo untuak baburu. ^[5]

Pertanian suku Dampeles rato-rato di tanami oleh Cangkeh jo karambiah untuak di buek koprah, yang mano lahan pertanian suku Dampeles biasonyo talatak indak jauah dari rumah.

Salain batani jo baburu, suku Dampeles juo pandai dalam mambuek kerajinan yang bisa di jadikan sabagai penghasilan, salah satunyo iolah mahia dalam mambuek kain tenun dari sutra, Bonjo Lipuku, dan karajinan Cangkeh dari Toli-Toli.

Artikel batopik kalompok etnik ko baru babantuak rancangan. Sanak dapek mambantu Wikipedia mangambangannyo.