[go: up one dir, main page]
More Web Proxy on the site http://driver.im/
Wikipedia

Japang

Japang (bahaso Japang: 日本 Nippon/Nihon, namo rasmi: 日本国 Nipponkoku/Nihonkoku About this sound dangakan (bantuan·info)) adolah sabuah nagara kapulauan di Asia Timua. Lataknyo di ujuang barek Samudra Pasifik, di sabalah timur Lauik Japang, dan bajiran jo Republik Rakyaik Cino, Korea, jo Rusia. Pulau-pulau paliang utara barado di Lauik Okhotsk, dan pulau paliang selatan barupo kalompok pulau-pulau ketek di Lauik Cino Timua, tapeknyo di sabalah selatan Okinawa nan bajiran jo Taiwan.

Jepang

日本国
Nippon-koku atau Nihon-koku
Bandera Jepang
Bandera
{{{coat_alt}}}
Segel Kekaisaran
Segel Pemerintahan:
Segel Kantor Perdana Menteri dan Pemerintah Jepang
Paulownia (五七桐 Go-Shichi no Kiri?)
Lokasi Jepang
Ibu kota
Tokyo (de facto)
Bahaso resmiBahasa Jepang (de facto)[1]
Bahaso daerah
nan diakui 		Aynu itak, bahasa Ryukyu, dan dialek bahasa Jepang
Bahasa nasional
Aksara nasional


Bahasa Jepang
Kanji
Hiragana
Katakana
Kalompok etnik
98,5% Jepang, 0,5% Korea, 0,4% Tionghoa, 0,6% lain-lain[2]
PamarintahanMonarki konstitusional, sistem parlementer
• Kaisar
Naruhito
Kishida Fumio
LegislatifParlemen Jepang
Majelis Tinggi Jepang (Sangi-in)
Majelis Rendah Jepang (Shugi-in)
Pendirian negara
11 Februari 660 SM[3]
29 November 1890
3 Mei 1947

28 April 1952
Area
• Total
377.944 km2 (145.925 sq mi)[4] (ke-61)
• Aia (%)
0,8
Populasi
 - Pakiroan 2009
127.530.000[5] (ke-10)
 - Sensus Panduduak 2004
127.333.002
337,4/km2 (ke-30)
PDB (KKB)2008
 - Total
AS$4,356 triliun[6] (ke-3)
AS$34.115[6] (ke-24)
PDB (nominal)2008
 - Total
AS$4.910 triliun[6] (ke-2)
AS$38.457[6] (ke-23)
Gini38,1 (2.002)[7]
Error: Invalid Gini value
IPM (2007)▲ 0,960[8]
Error: Invalid HDI value · ke-10
Mato uangSimbol internasional ¥
Dibaca (Yen)
Simbol jepang 円
Dibaca (En)
(JPY)
Zona wakatuJST
(UTC+9)
 - Musim panas (DST)
tak ada
Format tanggalyyyy-mm-dd
yyyy年m月d日
zaman yy年m月d日
Lajua kamudikiri
Kode telepon81
Ranah Internet.jp

Japang tadiri dari 6.852 pulau[9] nan mambueknyo marupoan suatu kapulauan. Pulau-pulau utamo dari utara ka selatan adolah Hokkaido, Honshu (pulau tagadang), Shikoku, jo Kyushu. Sakitar 97% wilayah daratan Japang barado di kaampek pulau tagadangnyo. Umumnyo pulau di Japang bagunuang-gunuang, jo sabagian di antaronyo marupoan gunuang barapi. Gunuang tatinggi di Japang adolah Gunuang Fuji nan marupoan sabuah gunuang barapi. Panduduak Japang bajumlah 128 juta urang, dan barado di paringkek ka-10 nagara bapenduduak tabanyak di dunia. Tokyo sacaro de facto adolah ibukota Japang, dan mamiliki kaduduakan sabagai sabuah prefektur. Tokyo Rayo adolah sabutan untuak Tokyo jo babarapo kota nan barado di prefektur sakuliliangnyo. Sabagai daerah metropolitan talaweh di dunia, Tokyo Rayo bapenduduak labiah dari 30 juta urang.

Manuruik mitologi Japang, Japang didirian dek Kaisar Jimmu pado abad ke-7 SM. Kaisar Jimmu mamulai mato rantai kaisar Japang nan indak taputuih inggo kini. Sungguahpun baitu, sapanjang sajarahnyo, untuak kabanyakan maso kakuatan sabananyo barado di tangan anggota-anggota istano, shogun, pihak militer, dan mamasuaki zaman moderen, di tangan pardano mantari. Manuruik Konstitusi Jepang taun 1947, Japang adolah nagara monarki konstitusional di bawah pimpinan Kaisar Japang jo Parlemen Jepang.

Sabagai negara maju di bidang ekonomi,[10] Japang punyo produk domestik bruto tagadang kaduo sasudah Amerika Sarikat, dan masuak dalam urutan tigo gadang dalam kasaimbangan kamampuan babalanjo. Japang adolah anggota Pasarikatan Banso-Banso, G8, OECD, jo APEC. Japang punyo kakuatan militer nan mamadoi langkok jo sistem patahanan moderen takah AEGIS sarato skuat armada gadang kapa parusak. Dalam padagangan lua nagari, Japang barado di paringkek ka-4 nagara pangekspor tagadang jo paringkek ka-6 nagara pangimpor tagadang di dunia. Sabagai nagara maju, panduduak Japang punyo standar iduik nan tinggi (paringkat ka-8 dalam Indeks Pambangunan Manusia) dan angko arapan iduik tatinggi di dunia manuruik pakiraan PBB.[11] Dalam bidang teknologi, Japang adolah nagara maju di bidang telekomunikasi, pamasinan, jo robotika.

Etimologi

suntiang

Japang disabuik Nippon atau Nihon dalam bahaso Japang yang artinyo cahayo. Kaduo kato iko ditulih jo huruf kanji nan samo, iyolah 日本 (sacaro harafiah: asa-muasa matohari). Sabuikan Nippon acok digunokan dalam urusan rasmi, tamasuak namo nagari dalam pitih Japang, parangko, jo patandingan ulahrago internasional. Samantaro itu, sabutan Nihon digunokan dalam urusan indak rasmi takah pambicaroan sahari-hari.

Kato Nippon jo Nihon bararti "nagaro/nagari matohari tabik". Namo iko disabuik dalam korespondensi Kakaisaran Japang jo Dinasti Sui di Cino, dan marujuak kapado latak Japang nan barado di sabalah timur daratan Cino. Sabalun Japang mampunyoi hubuangan jo Cino, nagari iko dikenal sabagai Yamato (大和).[12] Di Cino pado zaman Tigo Nagari, sabutan untuak Japang adolah nagari Wa (倭).

Dalam bahaso Cino dialek Shanghai nan tamasuak salah ciek dialek Wu, aksara Cino 日本 dibaco sabagai Zeppen ([zəʔpən]). Dalam dialek Wu, aksara 日 sacaro indak rasmi dibaco sabagai [niʔ] samentaro sacaro rasmi dibaco sabagai [zəʔ]. Dalam babarapo dialek Wu Selatan, 日本 dibaco sabagai [niʔpən] nan mirip jo namo dalam bahaso Japang.Zeppen ([zəʔpən]). Dalam dialek Wu, aksara 日 sacaro indak rasmi dibaco sabagai [niʔ] samentaro sacaro rasmi dibaco sabagai [zəʔ]. Dalam babarapo dialek Wu Selatan, 日本 dibaco sabagai [niʔpən] nan mirip jo namo dalam bahaso Japang.

Kato Jepang dalam bahaso Indonesia kamungkinan barasa dari bahaso Cino, tapeknyo bahaso Cino dialek Wu tasabuik. Bahaso Malayu kuno juo manyabuik nagari iko sabagai Jepang (namun ejaan bahaso Malaysia kini: Jepun). Kato Japang dalam bahaso Melayu iko kudian dibaok ka Dunia Barek dek padagang Portugis, nan mangana sabutan iko katiko barado di Malaka pado abaik ka-16. Inyo lah nan patamo kali mampakenalkan namo bahaso Malayu tasebuik ka Eropa. Dokumen tatuo dalam bahaso Inggirih nan manyabuik tantang Japang adolah sapucuak surek dari taun 1565, nan di dalamnyo batulihkan kato Giapan.[13]

Sajarah

suntiang
! Artikel utamo untuak bagian ko adolah: Sajarah Jepang

Prasajarah

suntiang
 
Sabuah bajana dari pariode Jomon Patangahan (3000-2000 SM).

Panalitian arkeologi manunjuakkan bahwa Japang alah dihuni manusia purba satidonyo 600.000 taun nan lalu, pado maso Paleolitik Bawah. Sasudah babarapo zaman es nan tajadi pado maso jutaan taun nan lalu, Japang babarapo kali tahubuang jo daratan Asia malalui jambatan daraik (jo Sakhalin di utara, dan kamungkinan Kyushu di salatan), sahinggo mamungkinkan papindahan manusia, hewan, jo tanaman ka kapulauan Japang dari wilayah nan kini marupokan Republik Rakyat Cina jo Korea. Zaman Paleolitik Japang mahasiakan paralatan babatuan nan alah dipoles nan patamo di dunia, skitar taun 30.000 SM.

Dengan barakhianyo zaman es tarakhia jo datangnyo pariode nan labiah angek, kabudayaan Jomon muncua pado sakita 11.000 SM, nan bacirikan gaya hiduik pamburu-pangumpua semi-sedenter Mesolitik hinggo Neolitik jo pambuek an karajinan tambika ta awal di dunia. Dipakirokan bahwa panduduak Jomon marupokan niniak moyang suku Proto-Japang jo suku Ainu maso kini.

Dimulainyo pariode Yayoi pado sakitar 300 SM manandoi kahadiran teknologi-teknologi baru takah bacocok tanam padi di sawah nan bapangairan jo teknik pambuek an pakakeh dari basi jo parunggu nan dibaok sarato migran-migran dari Cino atau Korea.

Dalam sajarah Cina, urang Japang patamo kali disabuik dalam naskah sajarah klasik, Buku Han nan ditulih taun 111. Sasudah pariode Yayoi disabuik pariode Kofun pado sakitar taun 250, nan bacirikan didirikannyo nagari-nagari militer nan kuek. Manuruik Catatan Sajarah Tigo Nagari, nagari paliang bajayo di kapulauan Japang wakatu itu adolah Yamataikoku.

Zaman Klasik

suntiang

Bagian sajarah Japang maninggakan dokumen tatulih dimulai pado abad ke-5 dan abad ke-6 Masehi, saaik sistem tulisan Cina, agama Buddha, dan kabudayaan Cino lainnyo dibaok masuak ka Japang dari Karajaan Baekje di Semenanjung Korea.

 
Jepang dapat mengusir dua kali invasi Mongol ke Jepang (1274 dan 1281)

Pakambangan salanjuiknyo Buddhisme di Jepang dan seni ukia rupang sabagian gadang dipangaruahi dek Buddhisme Cino.[14] Walaupun awalnyo kedatangan agama Buddha ditentang panguaso nan manganuik Shinto, kalangan nan bakuaso akhianyo ikuik mamajuan agama Buddha di Jepang, dan manjadi agamo nan populer di Japang sajak zaman Asuka.[15]

Malalui parentah Reformasi Taika pado taun 645, Japang manyusun ulang sistem pemerintahannya jo mencontoh dari Cino. Hal iko mambukak jalan bagi filsafat Konfusianisme Cino untuak manjadi dominan di Japang sampai abad ke-19.

Periode Nara pado abad ke-8 menandai sabauh nagari Japang jo kakuasaan nan tersentralisasi. Ibu kota dan istano kekaisaran barado di Heijo-kyo (kini Nara). Pado zaman Nara, Japang sacaro taruih manaruih mengadopsi praktik administrasi pamarentahan dari Cino. Salah satu pencapaian tagadang sastra Japang pado zaman Nara adolah selesainya buku sajarah Japang nan disabuik Kojiki (712) dan Nihon Shoki (720).[16]

 
Patung Buddha di Todaiji, Nara, nan dibuat pado tahun 752.

Pado taun 784, Kaisar Kammu memindahkan ibu kota ka Nagaoka-kyō, dan barado di sano hanyo salamo 10 tahun. Sasudah itu, ibu kota dipindahkan baliak ka Heian-kyō (kini Kyoto). Kepindahan ibu kota ka Heian-kyō mangawali periode Heian nan marupoan maso keemasan kabudayaan klasik asli Jepang, tarutamo di bidang seni, puisi dan sastra Jepang. Hikayat Genji karya Murasaki Shikibu dan lirik lagu kabangsaan Japang Kimi ga Yo barasa dari periode Heian.[17]

Zaman Pertengahan

suntiang
 
Sekelompok orang-orang Portugis dari periode Nanban, abad ke-17.

Abad patangahan di Japang marupoan zaman feodalisme nan ditandai dek perebutan kakuasaan antarkelompok panguaso nan tadiri dari ksatria nan disabuik samurai. Pado taun 1185, sasudah menghancurkan klan Taira nan marupoan klan saingan klan Minamoto, Minamoto no Yoritomo diangkek sabagai shogun, dan manjadiannyo pamimpin militer nan babagi kakuasaan jo Kaisar. Pamarentahan militer nan didirian Minamoto no Yoritomo disabuik Keshogunan Kamakura dek pusek pamarentahan barado di Kamakura (di sabalah selatan Yokohama maso kini). Sasudah wafaiknyo Yoritomo, klan Hōjō mambantu keshogunan sabagai shikken, yakni semacam adipati bagi para shogun. Keshogunan Kamakura barasil manahan sarangan Mongol dari wilayah Cino kakuasaan Mongol pado taun 1274 dan 1281. Walaupun sacaro politik tabilang stabil, Keshogunan Kamakura akhianyo digulingkan dek Kaisar Go-Daigo nan mamuliahkan kakuasaan di tangan kaisar. Kaisar Go-Daigo akhianyo digulingkan Ashikaga Takauji pado 1336.[18] Keshogunan Ashikaga gagal membendung kakuatan panguaso militer dan tuan tanah feodal (daimyo) dan pacah parang saudaro pado taun 1467 (Perang Ōnin) nan mangawali maso satu abaik nan diwarnai paparangan antarfaksi nan disabuik maso nagari-nagari saliang baparang atau periode Sengoku.[19]

Pado abad ke-16, para padagang dan misionaris Serikat Yesuit dari Portugal tibo untuak patamo kalinya di Jepang, dan mangawali pertukaran perniagaan dan kabudayaan nan aktif antaro Japang dan Dunia Barat (Perdagangan dengan Nanban). Urang Japang manyabuik urang asiang dari Dunia Barat sabagai namban nan bararti urang barbar dari selatan.

 
Salah satu kapal segel merah Jepang (1634) nan dipakai berdagang di Asia.

Oda Nobunaga menaklukkan daimyo-daimyo pesaingnya jo mamakai teknologi Eropa dan senjata api. Nobunaga hampia barasil manyatuan Japang sabalun tewas tabunuah dalam Peristiwa Honnōji 1582. Toyotomi Hideyoshi manggantian Nobunaga, dan mencatatkan dirinyo sabagai pemersatu Japang pado taun 1590. Hideyoshi barusaho manguasai Korea, dan duo kali malakuan invasi ke Korea, namun gagal sasudah kalah dalam patampuran malawan pasukan Korea nan dibantu kakuatan Dinasti Ming. Sasudah Hideyoshi wafat, pasukan Hideyoshi ditarik dari Samananjuang Korea pado taun 1598.[20]

Sepeninggal Hideyoshi, putra Hideyoshi nan banamo Toyotomi Hideyori mewarisi kakuasaan sang ayah. Tokugawa Ieyasu mamanfaikan posisinya sabagai adipati bagi Hideyori untuak mengumpulkan dukungan politik dan militer dari daimyo-daimyo lain. Sasudah mangalahan klan-klan pandukuang Hideyori dalam Pertempuran Sekigahara taun 1600, Ieyasu diangkek sabagai shogun pado taun 1603. Pamarentahan militer nan didirian Ieyasu di Edo (kini Tokyo) disabuik Keshogunan Tokugawa. Keshogunan Tokugawa curiga tahadok kagiatan misionaris Katolik, dan malarang sagalo hubuangan jo urang-urang Eropa. Hubuangan padagangan dibatehi hanyo jo padagang Belanda di Pulau Dejima, Nagasaki. Pamarentah Tokugawa juo manjalankan babagai kabijakan misalnyo undang-undang buke shohatto untuak mangandalian daimyo di daerah. Pado taun 1639, Keshogunan Tokugawa mulai manjalankan kabijakan sakoku ("negara tertutup") nan balansuang salamo duo satangah abaik nan disabuik periode Edo. Walaupun menjalani periode isolasi, urang Japang taruih mampalajari ilmu-ilmu dari Dunia Barat. Di Jepang, ilmu dari buku-buku Barat disabuik rangaku (ilmu belanda) dek barasa dari kontak urang Japang jo enklave urang Balando di Dejima, Nagasaki. Pado periode Edo, urang Japang juo mamulai studi tantang Jepang, dan manamokan "studi nasional" tantang Japang sabagai kokugaku.[21]

Zaman Modern

suntiang
 
Kekaisaran Jepang terdiri dari sebagian besar Asia Timur dan Tenggara pado tahun 1942.

Pado 31 Maret 1854, kedatangan Komodor Matthew Perry dan "Kapal Hitam" Angkatan Laut Amerika Serikat mamaso Japang untuak mambukak diri tahadok Dunia Barat malalui Persetujuan Kanagawa. Persetujuan-persetujuan salanjuiknyo jo nagaro-nagaro Barat pado maso Bakumatsu mambaok Japang ka dalam krisis ekonomi dan politik. Kalangan samurai manganggap Keshogunan Tokugawa alah melemah, dan mangadoan pambarontakan sampai pacah Perang Boshin taun 1867-1868. Sasudah Keshogunan Tokugawa ditumbangkan, kakuasaan dikambalian ka tangan kaisar (Restorasi Meiji) dan sistem domain dihapus. Samaso Restorasi Meiji, Japang mengadopsi sistem politik, hukum, dan militer dari Dunia Barat. Kabinet Jepang mangatua Dewan Penasihat Kaisar, manyusun Konstitusi Meiji, dan mambantuak Parlemen Kekaisaran. Restorasi Meiji mengubah Kekaisaran Jepang manjadi nagaro industri modern dan sakaliguih kakuatan militer dunia nan manimbulkan konflik militer sangkek barusaho mampalaweh pangaruah teritorial di Asia. Sasudah mangalahan Cina dalam Perang Sino-Jepang dan Rusia dalam Perang Rusia-Jepang, Japang manguasai Taiwan, saparuah dari Sakhalin, dan Korea.[22]

Pado awal abad ke-20, Japang mangalami "demokrasi Taisho" nan dibayang-bayangi bangkiknyo ekspansionisme dan militerisme Jepang. Samaso Perang Dunia I, Japang barado di pihak Sekutu nan manang , sampai Japang dapaik mampalaweh pangaruah dan wilayah kekuasaan. Japang taruih manjalankan politik ekspansionis jo manduduki Manchuria pado taun 1931. Dua taun kemudian, Japang kalua dari Liga Bangsa-Bangsa sasudah mandapaik kecaman internasional ateh pandudukan Manchuria. Pado taun 1936, Japang manandotangani Pakta Anti-Komintern jo Jerman Nazi, dan bagabuang bagabuang basamo Jerman dan Italia mambantuak Blok Poros pado taun 1941[23]

Pado taun 1937, invasi Japang ka Manchuria mamicu tajadinyo Perang Sino-Jepang Kedua (1937-1945) nan mambuek Japang dikanaikan embargo minyak dek Amerika Serikat[24] Pado 7 Desember 1941, Japang manyarang pangkalan Angkatan Lauik Amerika Sarikek di Pearl Harbor, dan manyatoan parang tahadok Amerika Serikat, Inggris, dan Belanda. Serangan Pearl Harbor manyeret AS ka dalam Perang Dunia II. Sasudah kampanye militer nan panjang di Samudra Pasifik, Japang kahilangan wilayah-wilayah nan dimilikinya pado awal parang . Amerika Sarikek malakuan pangaboman strategis tahadok Tokyo, Osaka dan kota-kota gadang lainnya. Sasudah AS manjatuahkan bom atom di Hiroshima dan Nagasaki, Japang akhianyo menyerah tanpa syarat kepada Sekutu pado 15 Agustus 1945 (Hari Kemenangan atas Jepang).[25]

Perang mambaok penderitaan bagi rakyaik Japang dan rakyaik di wilayah jajahan Japang. Berjuta-juta urang tewas di nagaro-nagaro Asia nan diduduki Japang di bawah slogan Kemakmuran Bersama Asia. Hampia kasado industri dan infrastruktur di Japang hancua akibaik parang . Pihak Sekutu malakuan repatriasi gadang-gadangan etnik Jepang dari nagaro-nagaro Asia nan pernah diduduki Japang.[26] Pengadilan Militer Internasional untuk Timur Jauh nan diselenggarakan pihak Sekutu mulai 3 Mei 1946 barakhia jo dijatuhkannya hukuman bagi sajumlah pamimpin Japang nan tabukti basalah malakuan kejahatan perang.

 
Pencakar langit di Shinjuku, Tokyo

Pado taun 1947, Japang memberlakukan Konstitusi Jepang nan baru. Berdasarkan konstitusi baru, Japang ditetapkan sabagai nagaro nan manganuik paham pasifisme dan mengutamakan praktik demokrasi liberal. Pendudukan AS tahadok Japang sacaro rasmi barakhia pado taun 1952 jo ditandatanganinya Perjanjian San Francisco.[27] Walaupun demikian, pasukan AS tatok mampartahankan pangkalan-pangkalan pantiang di Jepang, khususnyo di Okinawa. Perserikatan Bangsa-Bangsa sacaro sacaro rasmi manarimo Japang sebagai anggota pado taun 1956.

Seusai Perang Dunia II, Japang mangalami pertumbuhan ekonomi nan pesat, dan menempatkan Japang sabagai kakuatan ekonomi tagadang nomor duo di dunia, jo rato-rato patumbuahan produk domestik bruto sagadang 10% per taun salamo ampek dekade. Pesatnya patumbuahan ekonomi Japang barakhia pado awal taun 1990-an sasudah jatuahnyo ekonomi gelembung.[28]

Politik

suntiang
! Artikel utamo untuak bagian ko adolah: Pemerintah Jepang

Parlemen

suntiang

Japang manganuik sistem nagaro monarki konstitusional nan sangaik mambatehi kakuasaan Kaisar Jepang. Sabagai kapalo nagaro seremonial, kadudukan Kaisar Japang diatur dalam konstitusi sabagai "simbol negara dan pemersatu rakyat". Kekuasaan pamarentah barado di tangan Perdana Menteri Jepang dan anggota tapiliah Parlemen Jepang, samantaro kadaulatan sapanuahnyo barado di tangan rakyat Jepang.[29] Kaisar Japang batindak sabagai kepala negara dalam urusan diplomatik.

Parlemen Jepang adolah parlemen duo kamar nan dibantuak mangikuti sistem Inggris. Parlemen Japang tadiri dari Majelis Rendah dan Majelis Tinggi. Majelis Rendah Japang tadiri dari 480 anggota dewan. Anggota majelis randah dipiliah sacaro langsuang dek rakyaik satiok 4 taun sakali atau sasudah majelis randah dibubarkan. Majelis Tinggi Japang tadiri dari 242 anggota dewan nan mamiliki maso jabatan 6 tahun, dan dipiliah langsuang dek rakyaik . Warganegara Japang barusia 20 taun ka ateh mamiliki hak untuak memilih.[10]

Kabinet Japang beranggotakan Perdana Menteri dan para menteri. Perdana Menteri adolah salah saurang anggota parlemen dari partai mayoritas di Majelis Rendah. Partai Demokrat Liberal (LDP) bakuaso di Japang sajak 1955, kacuali pado taun 1993. Pado taun itu tabantuak pemerintahan koalisi nan hanyo barumua singkek jo partai oposisi. Partai oposisi tagadang di Japang adolah Partai Demokratik Jepang.[30]

Perdana Menteri Japang adolah kepala pemerintahan. Perdana Menteri diangkek malalui pamiliahan di antaro anggota Parlemen.[31] Bila Majelis Rendah dan Majelis Tinggi masiang-masiang mamiliki calon perdana menteri, mako calon dari Majelis Rendah nan diutamakan. Pado praktiknya, perdana menteri barasa dari partai mayoritas di parlemen. Menteri-menteri kabinet diangkek dek Perdana Menteri. Kaisar Japang mangangkek Perdana Menteri badasarkan kaputusan Parlemen Jepang[32], dan mambari persetujuan ateh pangangkatan menteri-menteri kabinet.[33] Perdana Menteri mamarlukan dukungan dan kaparcayoan dari anggota Majelis Rendah untuak batahan sabagai Perdana Menteri.

Keluarga kekaisaran

suntiang
! Artikel utamo untuak bagian ko adolah: Keluarga kekaisaran Jepang
 
Kaisar Akihito dan Permaisuri Michiko (tampak tengah), serta Pangeran Naruhito dan istri (di sebelah kanan).

Kaisar Naruhito adolah Kaisar Japang nan sekarang. Putra Mahkota Naruhito, menikah jo Putri Mahkota Masako nan barasa dari kalangan rakyaik biasa, dan dikaruniai anak padusi banamo Aiko (Putri Toshi). Adiak dari Putra Mahkota Naruhito banamo Pangeran Akishino, menikah jo Kiko Kawashima nan juo barasa dari rakyaik biasa. Pangeran Akishino mamiliki duo anak padusi (Putri Mako dan Putri Kako), sarato anak laki-laki banamo Pangeran Hisahito.

Geografi

suntiang
! Artikel utamo untuak bagian ko adolah: Geografi Jepang

Japang mamiliki labiah dari 3.000 pulau nan talatak di pasisia Lautan Pasifik di timur benua Asia. Istilah Kepulauan Jepang marujuak kapado ampek pulau gadang , dari utara ka selatan, Hokkaido, Honshu, Shikoku, dan Kyushu, sarato Kepulauan Ryukyu nan barado di selatan Kyushu.

Sekitar 70% sampai 80% dari wilayah Japang tadiri dari pegunungan nan berhutan-hutan,[34][35] dan cocok untuak pertanian, industri, sarato permukiman. Daerah nan curam babahayo untuak dihuni dek risiko tanah longsor akibaik gampo bumi, kondisi tanah nan lunak, dan hujan labaik. Oleh dek itu, pamukiman panduduak tapusek di kawasan pesisir. Japang tamasuak salah satu negara berpenduduk terpadat di dunia.[36]

Gampo bumi bakakuatan randah dan sasakali letusan gunuang barapi acok dialami Japang dek lataknyo di ateh Lingkaran Api Pasifik di patamuan tigo lempeng tektonik. Gempa bumi nan marusak acok manyebabkan tsunami. Setiap abadnya, di Japang tajadi babarapo kali tsunami.[37] Gampo bumi gadang nan tajadi akhia-akhia iko di Japang adolah Gempa bumi Chūetsu 2004 dan Gempa bumi besar Hanshin taun 1995. Keadaan geografi manyebabkan Japang mamiliki banyak sumber mata air panas, dan sabagian gadang diantaronyo alah dibangun sabagai daerah tujuan wisata.[38]

Japang barado di kawasan bariklim sadang jo pambagian ampek musim nan jelas. Walaupun demikian, tadapek pabedoan iklim nan mancolok antaro wilayah bagian utara dan wilayah bagian selatan.[39] Pado musim dingin, Japang bagian utara misalnyo Hokkaido mangalami musim salju, namun sabaliaknyo wilayah Japang bagian selatan bariklim subtropis. Iklim juo dipangaruahi tiupan angin musim nan bertiup dari benua Asia ka Lautan Pasifik pado musim dingin, dan sabaliaknyo pado musim panas.

Iklim Japang tabagi ateh anam zona iklim:

  • Hokkaido: Kawasan paliang utara bariklim sadang jo musim dingin nan panjang dan membekukan, sarato musim paneh nan sejuk. Presipitasi indak gadang, namun salju banyak turun sangkek musim dingin.
  • Laut Jepang: Di pantai barat Pulau Honshu, tiupan angin dari barat lauik mambaok salju nan sangaik labaik. Pado musim panas, kawasan iko labiah sajuak dibandingkan kawasan Pasifik. Walaupun demikian, suhu di kawasan iko kadangkala dapaik manjadi sangaik tinggi akibaik fenomena angin fohn.
  • Dataran Tinggi Tengah: Wilayah iko bariklim pedalaman jo pabedoan suhu rato-rato musim panas-musim dingin nan sangaik mencolok. Perbedaan suhu antaro malam hari dan siang hari juo sangaik mencolok.
  • Laut Pedalaman Seto: Barisan pegunungan di wilayah Chugoku dan Shikoku menghalangi jalur tiupan angin musim, sampai kawasan iko sapanjang taun bariklim sedang.
  • Samudra Pasifik: Kawasan pasisia bagian timur Japang mangalami musim dingin nan sangaik dingin, namun indak banyak turun salju. Sebaliknya, musim paneh manjadi baitu lembap akibaik tiupan angin musim dari tenggara.
  • Kepulauan Ryukyu: Kepulauan di barat daya Japang tamasuak Kepulauan Ryukyu bariklim subtropis, hangek sawaktu musim dingin dan suhu nan tinggi sapanjang musim panas. Presipitasi sangaik tinggi, tarutamo salamo musim hujan. Taifun sangaik acok terjadi.

Suhu tatinggi nan pernah tacataik di Japang adolah 40,9 °C (105,6 °F) pado 16 Agustus 2007.[40]

Musim hujan dimulai labiah awal di Okinawa, yakni sajak awal Mei. Garih depan musim hujan bagarak ka utara, namun barakhia di Japang utara sabalun mancapai Hokkaido. Di sabagian gadang wilayah Honshu, awal musim hujan dimulai patangahan Juni dan balansuang salamo anam minggu. Taifun acok tajadi sapanjang September dan Oktober. Penyebabnya adolah takanan tropis di garih khatulistiwa nan bagarak dari barat daya ka timur lauik, dan acok mambaok hujan nan sangaik lebat.[39]

Hubuangan lua nagari jo militer

suntiang
! Artikel utamo untuak bagian ko adolah: Hubungan lua nagari Jepang, Pasukan Bela Diri Jepang, dan Kamantarian Patahanan (Japang)
 
Kapa pangangkuik helikopter kelas Hyuga milik Angkatan Laut Bela Diri Jepang

Japang mamiliki hubuangan ekonomi dan militer nan erat jo Amerika Serikat, dan manjalankan kebijakan luar negeri badasarkan pakta keamanan Jepang-AS.[41] Sajak ditarimo manjadi anggota Perserikatan Bangsa-Bangsa pado taun 1956, Japang alah sapuluah kali manjadi anggota indak tatok Dewan Keamanan PBB, tamasuak taun 2009-2010.[42] Japang adolah salah satu nagaro G4 nan sadang mengusulkan paluasan anggota tatok Dewan Keamanan PBB.[43] Sabagai nagaro anggota G8, APEC, ASEAN Plus 3, dan paserta Konferensi Tingkat Tinggi Asia Timur, Japang aktif dalam hubuangan internasional dan mampararek pasahabatan Japang jo nagaro-nagaro lain di saluruah dunia. Pakta pertahanan jo Australia ditandotangani pado Maret 2007,[44] dan jo India pado Oktober 2008.[45] Pado taun 2007, Japang adolah nagaro donor Bantuan Pembangunan Resmi (ODA) tagadang kalimo di dunia.[46] Nagaro panarimo bantuan ODA tagadang dari Japang adolah Indonesia, jo total bantuan labiah dari AS$29,5 miliar dari taun 1960 sampai 2006.[47]

Japang bersengketa jo Rusia manganai Kepulauan Kuril[48] dan jo Korea Selatan manganai Batu Liancourt[49]. Kepulauan Senkaku nan di bawah pamarentahan Japang dipermasalahkan dek Republik Rakyat Cina dan Taiwan.[50]

Pasal 9 Konstitusi Jepang barisi penolakan tahadok parang dan panggunoan kakuatan basanjato untuak manyalasaikan persengketaan internasional. Pasal 9 Ayat 2 barisi palarangan kapamilikan angkatan basanjato dan penolakan ateh hak keterlibatan dalam parang .[51][52] Japang mamiliki Pasukan Bela Diri nan barado di bawah Kementerian Pertahanan, dan tadiri dari Angkatan Darat Bela Diri Jepang (JGSDF), Angkatan Laut Bela Diri Jepang (JMSDF), dan Angkatan Udara Bela Diri Jepang (JASDF). Pado taun 1991, kapal penyapu ranjau Angkatan Lauik Bela Diri Japang ikuik mambarasiahkan ranjau laut di Teluk Persia (lepas pantai Kuwait) basamo kapal penyapu ranjau dari salapan negara.[53][54] Atas permintaan Pemerintahan Transisi PBB di Kamboja (1992-1993), Japang mengirimkan pengamat gencatan senjata, pemantau pamiliahan umum, polisi sipil, dan dukungan logistik misalnyo perbaikan jalan dan jembatan.[55] Di Irak, pasukan nontempur Japang mambantu misi kemanusiaan dan kagiatan rekonstruksi infrastruktur mulai Desember 2003 sampai Februari 2009.[56][57][58]


Referensi

suntiang
  1. ↑ "法制執務コラム集「法律と国語・日本語」". Biro Legislatif Majelis Rendah Jepang. Diakses tanggal 2009-03-09.  Bahasa nasional Jepang adalah bahasa Jepang, dan bahasa resmi adalah bahasa Jepang, tidak ada ditetapkan dalam undang-undang.
  2. ↑ CIA Factbook: Japan
  3. ↑ Menurut legenda, Jepang didirikan oleh Kaisar Jimmu pada tanggal ini (tanggal simbolis).
  4. ↑ "Japan Statistical Yearbook 2010" (PDF). Statistics Bureau, Ministry of Internal Affairs and Communications Japan. 2008-10-01. hlm. 17. 
  5. ↑ Official Japan Statistics Bureau estimate
  6. ↑ a b c d "Japan". International Monetary Fund. Diakses tanggal 2009-10-01. 
  7. ↑ CIA World Factbook[Gini rankings]
  8. ↑ Human Development Report 2009. The United Nations. Diakses 5 Oktober 2009.
  9. ↑ "Facts and Figures of Japan 2007 01: Land" (PDF). Foreign Press Center Japan. Diarsipkan dari versi asli (PDF) tanggal 2009-07-31. Diakses tanggal 2009-07-04. 
  10. ↑ a b "World Factbook; Japan". CIA. 2007-03-15. Diarsipkan dari versi asli tanggal 2015-12-20. Diakses tanggal 2007-03-27. 
  11. ↑ United Nations World Population Propsects: 2006 revision – Table A.17 for 2005-2010
  12. ↑ "Teach Yourself Japanese Message Board". Diarsipkan dari versi asli tanggal 2013-01-16. Diakses tanggal 2013-07-29. 
  13. ↑ Luīs Fróis, "Of the Ilande of Giapan" (February 19, 1565), published in Richard Willes, "The History of Travayle in the West and East Indies" (London 1577), cited in "Travel Narratives from the Age of Discovery", by Peter C. Mancall, pp. 156–57.
  14. ↑ Delmer M. Brown (ed.), ed (1993). The Cambridge History of Japan. Cambridge University Press. pp. 140–149. 
  15. ↑ William Gerald Beasley (1999). The Japanese Experience: A Short History of Japan. University of California Press. pp. 42. ISBN 0520225600. http://books.google.com/books?visbn=0520225600&id=9AivK7yMICgC&pg=PA42&lpg=PA42&dq=Soga+Buddhism+intitle:History+intitle:of+intitle:Japan&sig=V65JQ4OzTFCopEoFVb8DWh5BD4Q#PPA42,M1. Diakses pado 27 Maret 2007. 
  16. ↑ Conrad Totman (2002). A History of Japan. Blackwell. pp. 64–79. ISBN 978-1405123594. 
  17. ↑ Conrad Totman (2002). A History of Japan. Blackwell. pp. 122–123. ISBN 978-1405123594. 
  18. ↑ George Sansom (1961). A History of Japan: 1334–1615. Stanford. pp. 42. ISBN 0-8047-0525-9. 
  19. ↑ George Sansom (1961). A History of Japan: 1334–1615. Stanford. pp. 217. ISBN 0-8047-0525-9. 
  20. ↑ Stephen Turnbull (2002). Samurai Invasion: Japan's Korean War. Cassel. pp. 227. ISBN 978-0304359486. 
  21. ↑ Hooker, Richard (1999-07-14). "Japan Glossary; Kokugaku". Washington State University. Diarsipkan dari versi asli tanggal 2006-08-28. Diakses tanggal 2006-12-28. 
  22. ↑ Jesse Arnold. "Japan: The Making of a World Superpower (Imperial Japan)". vt.edu/users/jearnol2. Diarsipkan dari versi asli tanggal 2007-04-09. Diakses tanggal 2007-03-27. 
  23. ↑ Kelley L. Ross. "The Pearl Harbor Strike Force". friesian.com. Diakses tanggal 2007-03-27. 
  24. ↑ Roland H. Worth, Jr. (1995). No Choice But War: the United States Embargo Against Japan and the Eruption of War in the Pacific. McFarland. ISBN 0-7864-0141-9. 
  25. ↑ "Japanese Instrument of Surrender". educationworld.net. Diarsipkan dari versi asli tanggal 2006-12-31. Diakses tanggal 2006-12-28. 
  26. ↑ When Empire Comes Home : Repatriation and Reintegration in Postwar Japan by Lori Watt Archived 2009-03-04 di Wayback Machine., Harvard University Press
  27. ↑ Joseph Coleman (2006-03-06). "'52 coup plot bid to rearm Japan: CIA". The Japan Times. Diarsipkan dari versi asli tanggal 2012-07-17. Diakses tanggal 2007-04-03. 
  28. ↑ Kutipan rusak: Tag <ref> indak sah; indak ado teks untuak ref banamo kobayashi
  29. ↑ "The Constitution of Japan". House of Councillors of the National Diet of Japan. 1946-11-03. Diarsipkan dari versi asli tanggal 2007-03-17. Diakses tanggal 2007-03-10. 
  30. ↑ "A History of the Liberal Democratic Party". Liberal Democratic Party of Japan. Diarsipkan dari versi asli tanggal 2007-10-17. Diakses tanggal 2007-03-27. 
  31. ↑ http://www.houko.com/00/01/S21/000.HTM#s5 Konstitusi Jepang Bab 5, Kabinet (第５章　内閣)
  32. ↑ http://www.houko.com/00/01/S21/000.HTM#s1 Konstitusi Jepang Bab 1 Pasal 6, Kaisar (第１章　天皇)
  33. ↑ http://www.houko.com/00/01/S21/000.HTM#s1 Konstitusi Jepang Bab 1 7 Butir 5, Kaisar (第１章　天皇)
  34. ↑ ""Japan"". Microsoft Encarta Online Encyclopedia. 2006. Diarsipkan dari versi asli tanggal 2009-10-28. Diakses tanggal 2006-12-28. 
  35. ↑ "Japan Information—Page 1". WorldInfoZone.com. Diakses tanggal 2006-12-28. 
  36. ↑ "World Population Prospects". UN Department of Economic and Social Affairs. Diarsipkan dari versi asli tanggal 2011-05-11. Diakses tanggal 2007-03-27. 
  37. ↑ "Tectonics and Volcanoes of Japan". Oregon State University. Diarsipkan dari versi asli tanggal 2007-02-04. Diakses tanggal 2007-03-27. 
  38. ↑ "Attractions: Hot Springs". JNTO. Diakses tanggal 2007-04-01. 
  39. ↑ a b "Essential Info: Climate". JNTO. Diakses tanggal 2007-04-01. 
  40. ↑ "Gifu Prefecture sees highest temperature ever recorded in Japan - 40.9". Japan News Review Society. 2007-08-16. Diakses tanggal 2007-08-16. 
  41. ↑ Michael Green. "Japan Is Back: Why Tokyo's New Assertiveness Is Good for Washington". Real Clear Politics. Diakses tanggal 2009-03-08. 
  42. ↑ "Japan: non-permanent member of the Security Council". United Nations. Diakses tanggal 2009-03-10. 
  43. ↑ Nile Gardiner, Ph.D. and Brett D. Schaefer. "U.N. Security Council Expansion Is Not in the U.S. Interest". Heritage Foundation. Diarsipkan dari versi asli tanggal 2008-09-18. Diakses tanggal 2009-03-10. 
  44. ↑ Japan-Australia Joint Declaration on Security Cooperation
  45. ↑ Joint Declaration on Security Cooperation between Japan and India
  46. ↑ "Debt Relief is down: Other ODA rises slightly". Organisation for Economic Co-Operation and Development. Diakses tanggal 2009-03-10. 
  47. ↑ "Sejarah Bantuan ODA Jepang di Indonesia". Situs Bantuan ODA Jepang di Indonesia. Diakses tanggal 2009-03-10. 
  48. ↑ "Japan's island row with Russia". BBC News. 2006-08-16. Diakses tanggal 2009-03-10. 
  49. ↑ "Seoul and Tokyo hold island talks". BBC News. 2006-04-20. Diakses tanggal 2009-03-10. 
  50. ↑ "The Basic View on the Sovereignty over the Senkaku Islands". Kementerian Luar Negeri Jepang. Diakses tanggal 2009-03-10. 
  51. ↑ "The Constitution of Japan". Diakses tanggal 2009-03-12. 
  52. ↑ Kosechi, Soseki. "Mengkaji Kembali Revisi Konstitusi Jepang". Diarsipkan dari versi asli tanggal 2012-01-12. Diakses tanggal 2009-03-12. 
  53. ↑ "Section 3. Japan's Response to the Post-Gulf Crisis Problems". Diplomatic Bluebook 1991: Japan's Diplomatic Activities. Kementerian Luar Negeri Jepang. Diakses tanggal 2009-03-10. 
  54. ↑ "航空自衛隊イラク復興支援派遣撤収業務隊による撤収業務の終結に関する命令の発出について". Kementerian Pertahanan. 2009-02-10. Diakses tanggal 2009-03-10. 
  55. ↑ "Japan's Participation in UN Peacekeeping Operations: International Peace Cooperation Assignment in Cambodia". Secretariat of the International Peace Cooperation Headquarters, Cabinet Office. 2009-02-10. Diakses tanggal 2009-03-10. [pranala nonaktif permanen]
  56. ↑ "Prime Minister Encourages Japan Air Self-Defense Force (JASDF) to be Dispatched to Iraq". Kantor Perdana Menteri Jepang. 2003-12-24. Diakses tanggal 2009-03-10. 
  57. ↑ "航空自衛隊イラク復興支援派遣撤収業務隊による撤収業務の終結に関する命令の発出について". Kementerian Pertahanan. 2009-02-10. Diakses tanggal 2009-03-10. 
  58. ↑ "2009年2月16日付防衛省人事発令" (PDF). Kementerian Pertahanan. 2009-02-16. Diakses tanggal 2009-03-10. 

Bacoan barikuiknyo

suntiang
  • Conrad Totman, 2000. 'A History of Modern Japan. Blackwell Publishers.'
  • C.H. Kwan. 2001. 'Yen Bloc: Toward Economic Integration in Asia.' Brookings Institution Press.
  • Bernson, Mary Hammond and Elaine Magnusson, eds. Modern Japan: An Idea Book for K-12 Teachers. Multicultural Education Resource Serial. Olympia, WA: Office of the State Superintendent of Public Instruction, 1984. ED 252 486.
  • Cogan, John J. and Donald O. Schneider, eds. Perspectives on Japan: A Guide for Teachers. Washington, DC: National Council for the Social Studies, 1983. ED 236 090.
  • East Meets West: Mutual Images. Stanford, CA: California Center for Research in International Studies, l980. ED 196 765.
  • Kaderabeck, Leslie. The Japanese Automobile Worker: A Microcosm of Japan's Success. 1985. ED 263 041.
  • Murphy, Carole. A Step by Step Guide for Planning a Japanese Cultural Festival. 1983. ED 238 748.
  • Wojtan, Linda S. Free Resources for Teaching about Japan. Bloomington, IN: Midwest Program for Teaching about Japan, Indiana University, 1986. ED 270 3891.

Liek juo

suntiang
Ikon portal  Portal Japang

Pautan lua

suntiang
Cari tau tantang Jepang di proyek-proyek Wikimedia lainnyo:
  Definisi dan terjemahan dari Wiktionary
  Gambar dan media dari WikiCommons
  Berita dari Wikinews
  Buku dari Wikibooks
Wikimedia Commons mampunyoi
media nan bahubuangan jo
日本

Templat:Dewan Keamanan PBB

Diambiak dari "https://min.wikipedia.org/w/index.php?title=Japang&oldid=3151039"