Otàgon

'l otàgon (dal Gréch Antìch, da oct cioè òt e gonos cioè àngoi), l'è öna figüra geomètrica piàna, ü polìgon che 'l gh'à òt làti; menimà se ciàma otàgon regolàr, ün otàgon che 'l gh'à i òt làti töi lónch istès e i òt àngoi töi gràncc istès e cioè de 135 gradi.

Per troà 'l perìmeter d'ü otàgon, se 'l otàgon l'è mia regolàr, mè fà l somatòria de töcc e òt i làti, menimà se l'è regolàr bàsta fà.

${\displaystyle 2p\,=\,8\cdot l}$

Gh'è dò manére dièrse per troà l'àrea d'ü otàgon regolàr:

${\displaystyle A(l)={\frac {8la}{2}}={\frac {2Pa}{2}}}$

'ndóe l l'è 'l làto, a l'è l'apotéma e 8l e 2P i'è 'l perìmeter. Per capì chèsta fórmula, bàsta pensà che 'l otàgon 'l sìes facc de òt triàngoi regolàr e per ògnü de chès-ce triàngoi 'l làto del otàgon l'è la bàze, menimà l'altèsa l'è 'l apotéma, isé per troà l'àrea de ü de chès-ce triàngoi s'fà come per töcc i triàngoi, cioè bàze per altèsa e pò gh'è de dividì töt per dù, e alùra per troà l'àrea del otàgon l'è asé moltiplicà per òt.

Öpör s' pöl fà:

${\displaystyle A(l)=\simeq ns\ l^{2}}$

'ndóe l l'è 'l làto e ns' l'è 'l nömer stàndard che per 'l otàgon l'è piö o méno 4.82843.