Dresda

Dresda (in tedesco Dresden) a l'è unna çittæ da Germania, de 555.351 abitanti (a-o 31 Dixembre do 2021).

A l'è capitale da Sassonia, un di Länder che componn-en a Repübblica Federale. Dresda a l'è un çentro indüstriale (famosa l'indüstria ottica e fotografica), commerciale e de cultüa. A se tröva in sce a scinistra do sciümme Elba.

Doppo o 1195, a opera de Dietrich de Meissen, vegniva costruìa a primma parte de l'abitou, quella che oua a l'è dïta çittæ vegia o Altstadt; probabilmente però in precedensa gh'ea zà un villaggio slavo. In to çinqueçento se univa a çittæ nöa, a coscì dita Neustadt. A Dresda in to giorno de Dênâ do 1745 vegniva firmou a paxe tra Austria e Pruscia. L'avenimento stòrico ciü scignificativo son però i spaventoxi bombardamenti do Frevä 1945, che destrüzzeivan praticamente a çittæ.

Doppo a Segunda guera mondiâ Dresda a l'ha fæto parte da DDR (Repübblica Democratica Tedesca), fin ä riunificasion da Germania. Da o punto de vista artistico, Dresda a l'è famosa pe a sö Pinacoteca.

• Dresda - Dresden
• 
  Panoramma
• 
  E Ture
• 
  L'Academia de Belle Arte
• 
  A fortessa dita Zwinger
• 
  A fortessa dita Zwinger (particoläre)
• 
  O Rè Johann
• 
  A gexa dita Frauenkirche
• 
  A staçion çenträ
• 
  I castélli de l'Elba
• 
  Dresda

• Wikimedia Commons a contêgne di files in sce Dresda