Wes-Nederland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Wes-Nederland is 'n regio in Nederland. Neve statistisch en economisch, veurnaomelek op 't gebeed vaan de EU, höbbe de Nederlandse regio's gein inkel beteikenis. Evels gief 't wel ummertouw mie lui die vaan meining zien tot de regio's mie mach mote kriege, en de provincies zjus minder.

Wes-Nederland kump min of mie euverein mèt de Randstad plus Zieland. De regio is wietoet de groetse ikkenomie vaan Nederland (daankzij stei wie Amsterdam en Rotterdam), 't centrum vaan de Nederlandstaolege media (wie Amsterdam en Hilversum) en ouch de streek boe 't polletiek hart vaan Nederland ligk (mèt naome door D'n Haag).

Vaan ajdsher weurt in 't groetse gedeilte vaan Wes-Nederland Hollands gesproke, wijl me in 't zuie (Zieland) de dao-aon gerelateerde taol Ziews gesproke weurt. De groete oetzoondering is 't oeters noordooste vaan de Provincie Utrech, boe vaan orizjien Nedersaksisch weurt gesproke.

Dèks weurt de provincie Zieland neet gezeen es 'n deil vaan Wes- mer vaan Zuid-Nederland, evels besteit Wes-Nederland oet veer provincies. Naomelek:

• Utrech
• Noord-Holland
• Zuid-Holland
• Zieland

Zuid-Nederland grens aon de volgende regio's:

• Noord-Nederland - noorde
• Oos-Nederland - noordooste
• Zuid-Nederland - zuidooste
• Vlaondere, Belsj - zuie