Raad

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

E raad is e cilindrisch veurwerp det same mit 'n as zörg veur lieëge waerstandj bie 't doordrejjen of rolle. Kinmirkendj veur 't raad is det 't es vorm van doorbewaeging twieë losse deile broek mit daotössen 'ne lager.

Rajer waere gebroek veur veurwerpe te verplaatse, en allewiel ouch veur verveur in 't algemein. De oetvinjing geit trögk toete nuje steintied; daoveur lag me boumstammen achterein woreuver me de (meis groeate) veurwerpe dieëj veuroetrolle. 't Ieëste raad waas gans massief (zowaal steine es houtere). Inne brónstied begós m'n 't raad oet te häölen en speike toe te veuge, wodoor 't gewich van 't raad minder is gewore.

Wie de rajer ieëre woorte gemaak van hout is me later euvergestap oppe lóchbandj, zowie v'r die noe höbbe bie auto's en fietsje. De kónstruksje van 't raad is den gemaak van metaal enne bandj zelf meis oet röbber.

• Reuzeraad
• Trandjraad
• Waterraad

Zeuk de definitie, vertalinge, oetsjpraok en dialekvariante van raad op in de Wiktionair.