Bagdad

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Bagdad (Arabisch: بغداد) is de houfstad van Irak. De stad ligk ane Tigris en tèltj zeaget 6 toet 7,5 miljoen inwoeaners. 't Is de grótste stad van Irak en is, nao Caïro, de grótste stad vannen Arabische werreld.

Bagdad woort gestif in 762 óngere naam Madinat as Salam ("stad vanne vraej") en woort mit tösseperiode de houfstad van 't kalifaat vanne Abbaside. Feitelik waas Bagdad de naam van e dörpke inne buurt dae euvergóng oppe kórtbiegelaenge stad. 't Waas in ieëste instansje dus 'ne bienaam, dewiel in officieel situaties de naam Madinat as Salam woort gebroek. De naam Bagdad is van hieël ajen oearsprónk en is aangetróffen in tekste oet 1800 v.Chr. De stad woort ouch waal de rónj stad geneump vanwaenge de rónj vorm.