Kanal de Suez

El Kanal de Suez es una via artifisiala para vapores la kuala une la mar Mediterraneo kon la mar Kolorada, entre Afrika i Asya, a traverso del istmo de Suez, de la peninsola del Sinai. El kanal se topa en Ayifto. Tiene una largeza de 163 km entre Porto Said (en la beira mediterranea) i Suez (en la kosta de la mar Kolorada). La avyertura del kanal achikó la ruta de las naves entre Evropa i el sud de Asya, al evitar dar la vuelta alderredor de Afrika.

El fraguamyento del kanal empiesó ofisialmente el 10 de Avril de 1859, dirijido por el fransez Ferdinand de Lesseps, el kualo tinía lisensia de las autoridades de Ayifto. El kanal fue aperturado en 1869 i el kompositor italiano Giuseppe Verdi krio la opera Aida. Enel akódro firmado en 1858, Ayifto iva konseder tyerras, kanteras i agua, endemas de 4/5 de los empiegados presisados para el fraguamyénto, anke muncho del eshuérso inisial fue echo por diezenas de kampesinos umildes asta ke arivaron las makinas para eskarvár. Por priméra vez en la istorya, se uzaron makinas desinyadas espesialmente para la ovra, kon un desempenyo impresionante: en dos anyos se kitaron de la tyerra mas de 50 milyones de m³, de los 75 milyones totales.

El 17 de Fevrero de 1867 una primera nave traversó el kanal, anke la seremonia de avyertura fue el 17 de Noviembre de 1869. Enel anyo 1875, el antonses Pashá de Ayifto, por kavza de la devda eksterna del payis, vendió las aksiones del kanal. Rapidamente, el Primer ministro del Reyno Unito, para antonses Benjamin Disraeli, konvensió a la Reyna Viktoria del menester de komprar estas aksiones kon el buto de tener basho kontrolo el kamino a la India, la kolonia más rika del Reyno Unito. Un empiegado de Disraeli konsigió un emprestimo de la banka Rotschild, i ansina el Reyno Unito tomó el kontrolo del kanal.

El Akódro de Estambol de 1888 deklaró el kanal komo rejion neutrala basho proteksiyon del Reyno Unito. Al firmar este akódro, el Imperio Otomano achetó permitir a kualker nave de kualker payis a raverso del kanal, en paz i en gerra.

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.