Yrape Suez
Yrape Suez ha'e peteĩ yrape yvypóra ojapo va'ekue toiko hag̃ua ygarata hasaha ramo, ojejuhu Ehítope ha ombojoaju para Yvy mbytépe (Mediterráneo) ha parapyte Suez, oĩva para Pytãme, ohasávo upe yvyjyva hérava avei Suez. Ojejapopa rire ko yrape, oiko yvy hérava Sinaígui peteĩ yvyapy pyahu, upéicha ojapo avei mba'e omohembe'yitéva Áfrika ha Ásia. Ipukukue ohupyty 193 km oñemyasãivo amo Ygarupa Saíd guive, Mediterráneo rembe'ýpe, amo Suez peve, para Pytã rembe'ýpe. Ary 2020 pukukuévo, hetave 18 500 ygarata ohasa ko yrapére (amo 51,5 ára ha ára).[1]
Ojajepo 1859 ha 1869 apytépe, omyakãvo Fernando de Lesseps ha Louis Maurice Adolphe Linant de Bellefonds. Ko yrape Ehíto mba'e 1956 guive,[2] ojeipuruite ojegueraha hag̃ua itakyra Európape ha oñeñemu pya'eve tetãnguéra apytépe.
Jepémo oĩ va'ekue ko yrape Ehíto rekuái poguýpe, heta umi Europagua oikóva ijára ramo jasypokõi 1956 meve, oikórõguare Ehíto mburuvicha Gamal Abdel Nasser omoĩmbaite hetã poguýpe, upe rire oñepyrũ Sinai ñorairõ oikóva jasypa ha jasypateĩ 1956 aja.[3]
Ary 2014 jave, Ehíto oñepyrũ omoporãve ko yrape ombopukuvévo peteĩ ivorekue orekóva 35 km, upéicha ipya'evéta ojehasa hag̃ua hese.[4]
Mandu'apy
[jehaijey | emoambue kuatia reñoiha]- ↑ «Suez Canal authorities need to remove up to 706,000 cubic feet of sand to free the Ever Given», CNN, 2021-03-26.
- ↑ Torre Gómez, Hipólito de la; Alted Vigil, Alicia; Pardo Sanz, Rosa María; Herrerín López, Ángel; Jiménez Redondo, Juan Carlos; Valdivieso Royo, Alejandro (2019). Historia contemporánea (1914-1989) (Tercera edición edición). p. 264-265. ISBN 978-84-9961-315-4. OCLC 1107144346. https://www.worldcat.org/oclc/1107144346. Consultado el 2021-05-08.
- ↑ "Suez Crisis." A&E Television Networks: 2009-11-09.
- ↑ «New Suez Canal project proposed by Egypt to boost trade», caironews.net. Ojehechákuri árape: 2014-08-07.