Airbus A380
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Dr Airbus A380 es öt jrüützte Fluchzeuch, dat öt op d Welt jitt. Jemaat weed öt va Airbus. Dat es Europas Herställer va Fluchzeuje met Setz ä Frankreich. Zösammejesatze weed dr A-380 ä Toulouse, d Möbölö vöör Ennedrenn komme us ö Werk en d Nööhde va Hamburch.
Dr ischte Fluch maade dr A-380 am 27. Aprel 2005. Bes Ängst Määz 2008 woode 192 Stöck böstalld, ußjelävverd hat Airbus besher ävver mä 3 a Singapur Ärlines.
Dora sitt moch dat s ärch hänger d Zitt her send.
Watt es neu bei dr Airbus A-380
[Ändere · der Quälltäx ändere]Öt Ziil va Ärbus woch öt, mi Passajiire als en dr Jumbojet z transporteere. Dodörch solld öt Vleeje vöör d Jesellschafte bellijer wääde. Damet dat möjjelich weed, woode neu Stoffe äjösatze. Nävver öt Aluminium notzde Ärbus vöör allem FCKW, dat es jätt Koohleäähnliches. Voor allem s öt leeht un nät kampott z kriihe.
Sonst es ävver och völl neu un besser woode. Su send d Düüse jrüüßer un stärker als alles wat öt bes jetzt jejovve hat. Enn Düüs sucht en enn Sekunde angerhalv Tonn Loff a un dat beij önö Dörchmässer va 2,95 Meter.
En d leijzte 8 Joohr hat d Äntwicklung van d A-380 12 Millijard Euro jekooßt.
D Passajiire en ön A-380 setze op 2 Däcks, beij d B-747 jitt öt mä ö hüühdörö Etach vöör d ischte Klass.
Ö jruuß Problem woch öt, dat d Jrüüde van dr A-380 öt net ermöjjelichte, dat Fluchzeug op jedde Fluchhafen lande z losse. Öt kooßt ön Stang Jeld, alles ö su omzöbouwe, dat dä Jät aavjeferticht wääde kann. Dr ischte Fluchhafen ä Europa, dä ösu witt woch, met d A-380 väädich z wääde, woch Münche.
Öt joov önö Hoof Probleme met öt Fluchzeug un Ärbus hat d Frachtmaschiin A-380 F isch öns op Iis jölaat. All Opdrääch wood zöröckjetrocke.
Technische Informatiune
[Ändere · der Quälltäx ändere]| Watt enteresseert | A380-800 | A380-800F |
A380-900 |
|---|---|---|---|
| Längde | 72,30 m | 79,40 m | |
| Breede an d Vleuele | 79,80 m | ||
| Hüühde | 24,10 m | ||
| Längde van d Kabiin | 50,68 m | ||
| Dörchmesser van d Rumpf | 7,14 m x 8,40 m | ||
| Breede van d Kabiin | 5,92 m (Ovverdeck) 6,58 m (Öt Hauptdeck) | ||
| Jöweet van öt lääch Fluchzeuch | 275 t | 286 t | ? t |
| Öt hüxte Jeweet beijm Aavhävve | 560 t | 590 t | 590 t ? |
| Zahl van d Passajiire | 525 | 12 | ca. 650 |
| Hüüxte möjelije Zahl a Passajiire | 853 | ca. 960 | |
| Wivöll Sprit paaße en dr Tang. | 310.000 l | 370.000 | |
| Hüüxte Tempo em Fluuch | Mach 0,95 | ||
| Wi witt kann hä vleeje | 15.000 km | 10.400 km | ca. 14.200 km |
| Wi huch kann hä vleeje | 13.100 m | ||
| Längde van d Rollbahn | 3.353 m | 3.231 m | |
Jätt z Lääse
[Ändere · der Quälltäx ändere]- Andreas Spaeth: Airbus A380 – dr vleejende Jijant. Heel, Königswinter 2005
- Peter-Michael Ziegler und Benjamin Benz: Fleejend Rechenzentr. In: c't. Heise, Hannover 2005,17, S. 84.
