Labapen

Labapen se yon plant ki soti nan fanmi Artocarpus Altilis. Li se yon fwi komestib. Pye bwa ki bay labapen an kapab grandi rive wo, jiska 5-6 mèt.

Listwa rapòte ke lè Blan yo te rive sou zile a pou la premyè fwa, yo we yon fwi ki sanble ak sa yo rele nan lang franse a “arbre a pain”. Lè yo wè fwi a yo di “men labapen”; men an reyalite, se pat fwi yo te konnen an, men yon fwi ki genyen anpil resanblans e ki soti nan menm fanmi ak labapen. Fwi ki rele "labapen" daprè yon tradiksyon franse-kreyòl de "arbre à pain" rele nan kreyòl Ayisyen “lam veritab”.

Fwi ki rele labapen an Ayiti a gen menm aparans ak lam veritab. Diferans la se lè fwi a louvri. Lèl louvri l li tankou sa yo rele Jakye a ki soti nan menm fanmi a toujou. Li gen plizyè grenn labapen andan l.

Genyen plizyè fason moun ka manje labapen. Li kapab fè gratine, boulèt, ajoute nan vyann, legim ak anpil lòt resèt ankò. Pou tou sa yo, fòk li bouyi avan. Aprè li finn bouyi, retire po mawon ki sou li a avan manje li ou byen prepare resèt ak li.

Li se yon fwi ki vreman bon. Li chaje ak vitamine epi pwoteyin. Ann Ayiti anpil moun manje li nan maten tankou dejene.Lamveritab