Fernand´ Esquio

Fernand´ Esquio

Biografía
Nacemento	século XIII Neda
Morte	século XIV
Actividade
Ocupación	trobador

Fernand' Esquio ou Fernand' Esqyo, escrito Fernando Esquío coa grafía moderna, foi un trobador galego de fins do século XIII e comezos do século XIV.^[1] Dá nome a un instituto de educación secundaria de Neda.^[2]

Nado no século XIII, en Neda ou en localidades achegadas, xa que o seu apelido era común nalgunhas vilas da actual comarca de Ferrol, é posible que pertencese a unha familia nobre, posto que había Esquíos ao servizo dos condes de Andrade e como priores do mosteiro de San Martiño de Xuvia. Estudosos como Ricardo Carballo Calero sosteñen que o seu apelido puido ser Esguío, como outros trobadores medievais que tiveron ou adoptaron o nome dun animal como apelido.^[3]

Puido ter vinculacións coas cidades de Lugo e Santiago de Compostela, pois ambas cidades aparecen nalgunha das súas obras.^[4]

No súa localidade natal, Neda, hai un instituto público que leva o seu nome, o IES Fernando Esquío.

Consérvanse nove cantigas súas, que se dividen en catro de amigo, tres de escarnio e dúas de amor.^[5]

• Dobarro Paz, Xosé María: "FERNAND' ESQUIO". Gran Enciclopedia Galega Silverio Cañada.

• Cancioneiro da Biblioteca Vaticana

• Ficha na Xacopedia