Clyde Drexler

Clyde Drexler

Biografía
Nacemento	(en) Clyde Austin Drexler 22 de xuño de 1962 (62 anos) Nova Orleáns, Estados Unidos de América
Educación	Sterling High School (en) Universidade de Houston
Altura	201 cm
Peso	95 kg
Actividade
Ocupación	baloncestista, adestrador de baloncesto
Período de actividade	1983 - 1998
Influencias	Arthur Ashe, Julius Erving e Walt Frazier
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala e Escolta
Convocado por	Portland Trail Blazers
Traxectoria   Equipo – Portland Trail Blazers – Houston Rockets 1980–1983 Houston Cougars men's basketball
Participou en
1992	Xogos Olímpicos de 1992
1992	Torneo das Américas de 1992
Premios
(1995)  Equipo All-NBA (1992)  Equipo All-NBA (1991)  Equipo All-NBA (1990)  Equipo All-NBA (1988)  Equipo All-NBA

Clyde Austin "The Glide" Drexler, nado o 22 de xuño de 1962 en Nova Orleáns, Luisiana, é un ex xogador profesional de baloncesto estadounidense da National Basketball Association (NBA). Drafteado no décimo cuarto posto da primeira rolda polos Portland Trail Blazers en 1983, Drexler desenvolveu a súa carreira deportiva entre a franquía de Oregón e os Houston Rockets, equipo no que gañou o anel de campión. Foi 10 veces All-Star e formou parte do Dream Team que gañaría a medalla de ouro nos Xogos Olímpicos de 1992.

Drexler foi votado como uns dos "cincuenta mellores xogadores da historia da NBA" en 1996 e admitido no Basketball Hall of Fame como xogador en 2004 e como parte do Dream Team en 2010. Tamén foi homenaxeado polos dous equipos nos que xogou sendo retirado o seu dorsal número 22 tanto nos Blazers como nos Rockets. Despois da súa retirada como xogador, adestrou durante dúas temporadas ao equipo da Universidade de Houston, precisamente onde se formara como xogador. Actualmente é comentarista deportivo nos partidos televisados dos Houston Rockets.

Drexler formuse no equipo da Universidade de Houston onde, xunto a Hakeem Olajuwon e Larry Michaux, constituíu a fraternidade de baloncesto "Phi Slama Jama", coñecida polas habilidades aéreas dos seus membros. A pesar de ser fortemente favoritos, Houston perdeu as finais da NCAA en 1983 contra North Carolina State.

Foi elixido nun sorprendente baixo décimo cuarto posto no Draft da NBA de 1983 por Portland Trail Blazers. Axudou a levar a ese equipo ás finais da NBA en 1990 e 1992, coa axuda de novos compañeiros como Terry Porter, Jerome Kersey, Clifford Robinson e con veteranos como Buck Williams. En 1992 xogou para o equipo olímpico dos Estados Unidos, chamado o Dream Team, e gañou a medalla de ouro. Acabou de segundo na votación polo MVP da tempada 1991-92 tras Michael Jordan.

O 14 de febreiro de 1995 Drexler foi traspasado a Houston Rockets, despois da petición do xogador de ser traspasado a un equipo con oportunidades de gañar o título tras as contribucións feitas ao equipo de Portland. Así pois, escolleu os Rockets, que querían volver gañar o título conquistado un ano antes. Encantado de volver xuntarse co seu gran amigo Hakeem Olajuwon e de xogar no equipo da cidade onde xa xogara co instituto e a universidade, Drexler axudou aos Rockets a gañar o título NBA en 1995, permanecendo entre as súas filas tres anos máis. Drexler retirouse da NBA despois da tempada 1997-98 para adestrar á Universidade de Houston. A camiseta co número 22 de Drexler foi retirada dos equipos dos Portland Trail Blazers e dos Houston Rockets. Foi incluído no Basketball Hall of Fame o 10 de setembro de 2004.

Drexler foi famoso pola súa velocidade e delicadeza na cancha, xunto cunha actitude infrecuentemente tolerante e reservada. As súas extraordinarias capacidades de salto permitiron que fixese uns mates considerados de alto nivel. Tamén era considerado como un xogador versátil, destacando habitualmente nas categorías de puntos, rebotes, asistencias e roubos, así como unha gran cantidade de tapóns para un xogador da súa estatura, sendo terceiro na clasificación de tapóns totais nunha carreira entre escoltas e bases. É ademais un dos únicos tres xogadores da NBA en ter polo menos 20.000 puntos, 6.000 rebotes e 6.000 asistencias na súa carreira (os outros dous son Oscar Robertson e John Havlicek). Drexler tamén lidera a clasificación de escoltas en canto a rebotes ofensivos por partido (2,4) en toda a súa carreira.

• Campión da NBA (1995).
• Dez veces All-Star (1986, 1988-1994, 1996, 1997).
• Primeiro equipo da NBA (1992).
• Segundo equipo da NBA (1988, 1991).
• Medalla de ouro olímpica (1992).
• Nomeado un dos 50 mellores xogadores da historia da NBA (1996).
• Membro do Basketball Hall of Fame (2004).

• Perfil histórico NBA History
• Biografía de Clyde Drexler
• Estatísticas de Clyde Drexler Arquivado 04 de abril de 2013 en Wayback Machine.