Eritropoietine

La eritropoietine o EPO e je un ormon glicoproteic prodot dai rognons e in misure minôr dal fiât e dal cerviel, che al à come funzion principâl chê di regolâ la eritropoiesi.

Il gjen che al codifiche la eritropoietine al è stât clonât intal 1985 e al è doprât cun sucès inte produzion artificiâl dal ormon.

La EPO e je tant doprade come doping dai atletis, stant che e fâs cressi il nivel di globui ros intal sanc (cul aument di ematocrit e emoglobine) zovant cussì al scambi di ossigjen e cressint la resistence al esercizi fisic, ma cressint il pericul di trombosi intravascolâl. La EPO e je stade doprade dai sportîfs a partî dai prins agns 1990. Dai prins agns 2000 intal ciclisim a son stâts introdusûts controi incrosâtsi sanc e urine che a àn limitât une vore l’ ûs di chest ormon, in particolâr in France e Italie dulà al è stât plui grant l'impegn inte lote al doping. In altris sports, par esempli intal balon, dopo curtis sperimentazions al è stât metût in bande il control incrosât sanc e urine.

La EPO e je doprade in cliniche par curâ lis anemiis e ciertis formis tumorâls. In studis resints al è stât osservât un rûl neuroprotetîf di EPO come agjent antinflamatori.