Bahamaoyggjar

Spaniamenn nevndu oynna Bajamar, sum merkir grunt vatn.

Tað var á oynni San Salvador í Bahamaoyggjum, at Kristoffur Kolumbus steig fótin á land, tá ið hann fann nýggja heimin í 1492. Seinni settu bretar seg niður í oyggjunum, og vóru tær bretskt hjáland til 1973.

 

 

Bahamaoyggjar eru um 700 koralloyggjar, ið eru stutt eystur úr strondini í Florida í USA. Tær flestu av hesum oyggjum eru tó óbygdar. Fólk búgva bert á 30 av teimum oyggjum.

Síðan 1999 er alt oyggjalandið býtt sundur í 32 fyrisitingarlig økir (districts):

Bahamaoyggjarnar eru limir í ST, WTO og The Commonwealth.

Nú eru oyggjarnar satt frítíðarparadís, og fólk úr øllum heiminum koma hagar. Fólk úr øllum heiminum koma at ferðast á flógvu sandstrondunum í Bahamaoyggjum. Ferðavinnan hevur alstóran týdning fyri búskapin, og stívliga helvtin av fólkinum í landinum arbeiðir á gistingarhúsum, í handlum og á matstovum. Freeport, á oynni Grand Bahama, er størsti ferðavinnubýur, og har er djúp og góð havn til stór skip, ið eru á rundferð í Karibiahavi.

Bahamaoyggjar eru eisini týdningarmikil fíggjarmiðdepil, tí at skattalógirnar og avgjaldslógirnar eru so lagaligar. Í Danmark í 2010 hevur skattavaldið lagt sak ímóti 211 starvsfólkum hjá reiðarínum Clipper, tí tey hava fingið ein part av lønini umvegis Bahamas og uttan um skattaskipanina. Skattavaldið hevur avdúkað, at Clipper rindaði starvsfólkinum ta føstu lønina ígjøgnum ta donsku skattaskipanina, men at bonuspengar vórðu goldnir umvegis Bahamas. Talan var ofta um fleiri hundraðtúsund krónur, og teir pengarnar hevur danska skattavaldið ongantíð sæð.

Um ársskiftið er lívligt á gøtunum í Bahamaoyggjum, tí at tá eru Junkanoo-skrúðgongurnar við dansi og tónleiki. Henda veitsla hevur røtur aftur í farnar dagar. Søgnin sigur, at tá ið afrikanskur høvdingi, nevdur John Canoe, var førdur higar sum trælur, lótu teir hann halda veitslu eftir afrikonskum siði.

•  
•  
  Junkanoo.
•  
  Nátt í Nassau.
•  
  Kort.

1. ↑ GeoHive; The Bahamas Archived 2011-08-07 at the Wayback Machine Heintað 7. juli 2011.
2. ↑ Statoids; The Bahamas Heintað 7. juli 2011.

• Heimasíða: bahamas.gov.bs
• Bahamas, wikivoyage.org (á enskum)

 

Sí miðlasavnið

»Bahamaoyggjar« í Wikimedia Commons.

Coordinates: 25°0′3.96″N 77°27′18″W / 25.0011000°N 77.45500°W / 25.0011000; -77.45500