Bjørt Samuelsen

Bjørt Samuelsen
er eitt	menniskja
Fødd(ur)	2. mar 1965 í/á Tórshavn
Starv	journalistur, politikari, communications adviser
Politiskur flokkur	Tjóðveldi
Mál	danskt mál
Dátuheiti
Commons	Bjørt Samuelsen

Bjørt Samuelsen (fødd 2. mars 1965 í Tórshavn) er ein føroyskur journalistur og politikari (Tjóðveldi). Hon hevur sitið í Løgtinginum síðan 2008, og var vinnumálaráðharri frá 4. februar til 15. september 2008.

Hon vaks upp í Havn, og fluttið til París sum 19-ára gomul. Seinni flutti hon til Keypmannahavn fyri at lesa bromatologi, og er útbúgvin cand. brom. Síðan flutti hon til Oslo, har hon gekk á Norsk Journalisthøgskole. Hon starvaðist sum blaðkvinna/journalistur á Aftenposten, Forbruker-rapporten, og á Forbrukerinspektørene hjá NRK. Hon var stýrislimur í Fagpressens Journalistforum frá 1998 til 2000, og skrivari og kassameistari í Norsk-færøysk lag frá 1994 til 2000. Eftir at hon flutti heimaftur til Føroya á heysti 2000, hevur hon starvast í Kringvarpi Føroya og sum sjálvstøðug vinnurekandi sum samskiftisráðgevi. Hon hevur eisini undirvíst á Fróðskaparsetri Føroya.

Á løgtingsvalinum 2008 varð hon vald inn á Løgtingið fyri Tjóðveldi. Sama dag, hin 4. februar, varð hon útnevnd til vinnumálaráðharra í aðru stjórnini hjá Jóannes Eidesgaard. Heidi Petersen møtti á løgtinginum í staðin. Samgongusamstarvið helt uppat í september sama árið, og Samuelsen gjørdist aftur løgtingslimur.

• 2008-2011 Løgtingslimur
• 2011- Løgtingslimur

• 4. februar 2008 - september 2008, varð hon útnevnd til vinnumálaráðharra í seinnu stjórnini hjá Jóannes Eidesgaard. Heidi Petersen møtti á løgtinginum í staðin.

• 2008–2011 limur í Vinnunevndini
• 2008–2011 limur í Løgmálanevndini
• 2011 - næstforkvinna í Vinnunevndini
• 2011 - limur í Trivnaðarnevndini
• 2011 - varalimur í Uttanlandsnevndini
• 2011 - limur í Norðurlandaráðnum

• Nevndarlimur í nevndini fyri Útvarp Føroya frá 2002 til 2003
• Kassameistari í Føroya Blaðmannafelag frá 2001 til 2004
• Stýrislimur í Føroysku Málnevndini frá 2004 til 2005
• Kassameistari í URD frá 2006 til 2008
• Stýrislimur í kveik.fo og Hansen International síðan 2007
• Limur í umsjónarráðnum hjá Landsbankanum frá 2007-2012