Tōdai-ji

Tōdai-ji
	東大寺
	UNESCOren gizateriaren ondarea
	Aintzinako Narako monumentu historikoak; Nanto Shichi Daiji; Dharan Shoninaren Hogeita Bost Reikyoak; Shinbutsu Reijō Junpai no Michi; Yamoto iparraldeko 88 leku sakratuak
	Irudi gehiago
Kokapena
Estatu burujabe	Japonia
Japoniako prefekturak	Nara
Core city of Japan	Nara
Koordenatuak	34°41′21″N 135°50′23″E / 34.689166666667°N 135.83972222222°E
Historia eta erabilera
Irekiera	752
Erlijioa	Kegon (en)
Izena	Birushana Buddha (en)
Arkitektura
Estiloa	Japanese Buddhist architecture (en)
Azalera	68,9 ha
Gizateriaren ondarea
Erreferentzia	870-001
Eskualdea	Asia eta Ozeania
Izen-ematea	bilkura)
Kontaktua
Helbidea	奈良県奈良市雑司町406-1 eta 406-1, Zōshi-chō, Nara-shi, Nara-ken 630-8587
	Webgune ofiziala
	↑ UNESCOk egindako sailkapenaren arabera ;

Tōdai-ji (japonieraz: 東大寺^?, euskaraz: «Ekialdeko Tenplu Handia») , Naran dagoen tenplu budista nagusia da. Daibutsuden eraikinaren barnean munduko brontzeko Buda handienetako bat dago. UNESCOk Gizateriaren Ondare izendatu zuen Aintzinako Narako monumentu historikoak izeneko multzoan.

Historia

Shōmu enperadoreak Kinshōsen-ji (japonieraz: 金鐘山寺^?) tenplua eraiki zuen 728. urtean Motoi printzearen jaiotza ospatzeko baina urtebeteko adinarekin hil zen printzea. Garai hartan Japonian desastre eta izurrite ugari izan ziren eta Shōmu enperadoreak nazio guztian tenpluak eraikitzeko dekretua atera zuen 741ean. Kinshōsen-ji moldatu eta Yamato probintziako tenplu handiena bihurtu zuen izen berriarekin, Tōdai-ji.

15 metrotako garaiera duen Buda Handia egiteko 2.600.000 pertsonek egin zuten lan 745 urtean hasi eta 751ean bukatu zuten arte. Oduko tenpluak 100 metrotako garaiera zuten bi pagoda zituen, garai hartan Egiptoko piramideak baino ez ziren eraikuntza garaiagoak. Lurrikara batek bota zituen behera.

710 eta 784 urteen artean Nara Japoniako hiriburu izanik Tōdai-jik gainontzeko tenpluak kontrolatu zituen. Japoniako boterearen erdigunea ekialdera mugitzerakoan (Kamakura eta Edo) Tōdai-jiren gainbehera etorri zen.

Budaren eraikinak hainbat desastre natural jasan ditu eta sarritan berreraiki behar izan da. Gaur egun dakusaguna 1709koa da eta orijinalak zuen tamainaren 2/3-ekoa da gutxi gorabehera. Budak ere kalteak izan ditu lurrikaren erruz eta gaur egungo eskuak Momoyama Arokoak dira eta burua Edo Arokoa.

Egitura

Daibutsuden eraikina da denetan ezagunena baina baditu denboran zehar gehitu zaizkion beste pabilioi batzuk ere, hala nola tenpluaren ateak, Hokke-dō eta Nigatsu-dō eraikinak eta hauetaz gain japoniar estiloko Isui-en lorategiak eta hainbat aintzira.

Buda Handiaren neurriak honako hauek dira:

Altuera: 14'98 m
Aurpegia: 5'33 m
Begien luzera: 1'02 m
Sudirra: 0'5 m
Belarriak: 2'54 m
Pisua: 500 tona.

Budaren inguruan beste irudi erraldoi batzuk ere badaude, Kokuzo eta Niyorin Kannon bosatsuak (izaki argiztatuak) eta Koumokuten eta Tamonten zeruko zaindariak. 1709an egindakoak dira. Aretoko zutabe batek oinarrian zuloa dauka eta japoniarrak bertatik pasatzen dira zorte ona izateko.