Ruby Tui

Ruby Tui
	; (2022) Irudi gehiago
Bizitza
Jaiotza	Wellington, 1991ko abenduaren 13a (32 urte)
Herrialdea	Zeelanda Berria
Talde etnikoa	samoarra; irlandarra; eskoziarra
Hezkuntza
Heziketa	John Paul II High School (en) ; (2005 - 2010) ; University of Canterbury (en) ; (2010 - : informazio-zientziak
Jarduerak
Jarduerak	zazpiko errugbi jokalaria eta hamabosteko errugbilaria
	Parte-hartzailea rugby sevens at the 2016 Summer Olympics – women's tournament (en) (2.); Zazpiko errugbia 2020ko Udako Olinpiar Jokoetan - Emakumezkoen txapelketa (1.) ;
Pisua	70 kilogramo
Altuera	172 zentimetro
Jasotako sariak	ikusi World Rugby Women's Sevens Player of the Year (2018) ;

Ruby Tui (Wellington, 1991ko abenduaren 13a), zeelandaberritar errugbilaria da, zazpiko eta hamabosteko errugbian aritzen dena. Hamabosteko errugbian, 2021eko Munduko Errugbi Kopa irabazi zuen Zeelanda Berriko selekzioarekin, eta zazpikoan zilarrezko domina 2016ko Olinpiar Jokoetan.^[1]^[2] eta urrezkoa 2020koetan^[3]

Bizitza

Wellingtonen jaio zen, 1991n. Aita samoarra du, eta amak irlandar eta eskoziar jatorria dauka. Gurasoak banandu egin ziren zortzi urte zituela.^[4] Wellington East Girls Collegen eta Greymoutheko John Paul II. High Schoolen hezi zen.^[4]^[5]

Beka bat jaso zuen Aoraki Polytechnic-en ikasteko, eta, bertan, kiroleko diploma batez osatu zuen 2013an.^[6] LGBT komunitateko kidea da.^[7]

Ibilbidea

2012an egin zuen debuta Fijin, eta, harrezkero, konfigurazio nazionalaren parte izan da. Tui "laguntzaile indartsu eta oldarkor" gisa deskribatu izan dute.^[8] Zeelanda Berriko hamabosteko errugbiko Go4Gold kanpainaren emaitza da.^[9]

Olinpiar Jokoak

2016ko Udako Olinpiar Jokoetan, Rio de Janeiro, Brasil, zilarrezko domina irabazi zuen Zeelanda Berriko Zazpiko errugbi selekzioarekin, Australiaren atzetik (urrezkoa) eta Kanadaren aurretik sailkaturik.

2020ko Udako Olinpiar Jokoetan, Tokio 2020an (Tokio), berriz, urrezko domina irabazi zuen Zazpiko errugbi modalitatean, Zeelanda Berriko taldearekin, Frantziako taldearen (zilarrezkoa) eta Fijikoaren (brontzezkoa) aurretik sailkatuirk. Hauek osatu zuten Zeelanda Berriko taldea: Michaela Blyde, Kelly Brazier, Gayle Broughton, Theresa Fitzpatrick, Stacey Fluhler Sarah Hirini, Shiray Kaka, Tyla Nathan-Wong, Risi Pouri-Lane, Alena Saili, Ruby Tui eta Portia Woodman-ek.^[10]^[11]