Steve Reich

Steve Reich
(1982) Irudi gehiago
Bizitza
Jaiotzako izen-deiturak	Stephen Michael Reich
Jaiotza	New York, 1936ko urriaren 3a (88 urte)
Herrialdea	Ameriketako Estatu Batuak
Lehen hizkuntza	ingelesa
Familia
Ezkontidea(k)	Beryl Korot (en)
Hezkuntza
Heziketa	Cornell Unibertsitatea (1953 - 1957) Juilliard School (en) (1958 - 1961) Mills College at Northeastern (en) (1961 - 1963)
Hizkuntzak	ingelesa
Irakaslea(k)	Darius Milhaud
Jarduerak
Jarduerak	musikagilea, musikaria eta videographer (en)
Lan nabarmenak	ikusi Variations for Vibes, Piano, and Strings (en) Daniel Variations (en) Eight Lines (en) Double Sextet (en)
Jasotako sariak	ikusi Arte eta letren komendadorea John Simon Guggenheim Memorial Foundation beka Praemium Imperiale  (2006) Pulitzer Saria Musikan  (2009ko apirilaren 20a) : Double Sextet (en) BBVA Foundation Frontiers of Knowledge Award  (2013) Nemmers Prize in Music Composition  (2016) honorary doctor of the Royal College of Music  (2016)
Kidetza	Ameriketako Estatu Batuetako Arte eta Letren Akademia Arteen eta Zientzien Ameriketako Estatu Batuetako Akademia Bavariako Arte Ederren Akademka Steve Reich and Musicians
Genero artistikoa	Minimalismoa
Diskoetxea	Deutsche Grammophon (en) ECM Records (en)
stevereich.com

Stephen Michael "Steve" Reich (New York, AEB, 1936ko urriaren 3a) estatubatuar musikagile eta interpretea da. Minimalismoaren ordezkari nagusietako bat da.

Cornell, Julliard eta Miss College eskoletan egin zituen ikasketak. Bere lehenengo obrak It's gonna rain (1965) eta Come out (1966) behin eta berriz errepikatzen eta bilbatzen diren berbaldi-zatiak dira, eta erritmoa eta erritmo-balioetan oinarritutako kontrapuntua dute ezaugarri nagusia. Musika-mota hori, minimalista deitua, New Yorken sortu zen, 1960ko hamarraldian, Terry Rileyren eskutik bereziki.

Hamarraldiaren bukaeran Reichek teknika berezi bat asmatu zuen, aldikako teknika: musika-tresnek esaldi bera jotzen dute, baina lastertasun desberdinean. Reichek prozedura hori erabili zuen Piano phase (1967) obran, eta garai hartako bere obrarik aipagarrienean: Drumming (1971), bongo, marinba eta zelestarako. 1970eko hamarraldian lastertasun berean interpretatutako erritmo-esaldiak erabiltzen hasi zen, baina kanonen modura, material soiletan oinarrituta egitura konplexuak lortzeko: Music for 18 Musicians (1976); Vermont Counterpoint (1982, 11 flautarako; horietatik 10 aldez aurretik grabatuak); The Desert Music (1984, orkestra eta abesbatzarako).

1970ko hamarkadan Euskal Herrian izan zen, eta txalaparta ezagutu zuen. Txalapartarekin liluratuta, bere obra batzuek teknika imitatzen dute^[1].

Beste lan aipagarri batzuk: Tehillim (1981) hebreerazko lau salmo, erritmo bizikoak, akorde luzeekin, eta juduen folk-musikan inspiratutako melodiekin; Different trains (1988, zinta eta hari kuartetorako); The Cave (1993).

2006. urtean Praemium Imperialearekin saritu zuten, eta 2007. urtean Polar Music Sariarekin.