Nâzım Hikmet

Nâzım Hikmet
Irudi gehiago
Bizitza
Jaiotza	Tesalonika, 1902ko urtarrilaren 15a
Herrialdea	Otomandar Inperioa  Turkia  Polonia
Lehen hizkuntza	turkiera
Heriotza	Mosku, 1963ko ekainaren 3a (61 urte)
Hobiratze lekua	Novodevitxi hilerria
Heriotza modua	berezko heriotza: miokardio infartu akutua
Familia
Ama	Celile Hanım
Ezkontidea(k)	Münevver Andaç (mul)
Familia	ikusi Oktay Rifat (en) (lehengusu)
Hezkuntza
Heziketa	Galatasaray High School (en) Moskuko Estatu Unibertsitatea Ekialdeko Langileen Unibertsitate Komunista Turkish Naval Academy (en) Turkish Naval High School (en) (1915eko irailaren 25a - 1920)
Hizkuntzak	turkiera errusiera
Jarduerak
Jarduerak	antzerkigilea, poeta, idazlea, gidoilaria eta prosalaria
Izengoitia(k)	Orhan Selim
Sinesmenak eta ideologia
Erlijioa	ateoa
nazimhikmet.org.tr

Nâzım Hikmet Ran (Tesalonika, Otomandar Inperioa, 1902ko urtarrilaren 15a - Mosku, Sobietar Batasuna, 1963ko ekainaren 3a) turkierazko idazlea izan zen. Espetxeratuta edo erbesteraturik eman zuen helduaroko zatirik handiena.

Moskun zortzi urteko egonaldia egin zuen (1921-1928). Turkiara itzuli eta Kemal Atatürk diktadorearen kontra aritu zen komunistekin bat eginik. Hori zela eta, hamabi urteko kartzela-zigorra izan zuen (1938-1950). Espetxetik irten eta hil artean erbestean, Moskun, bizi behar izan zuen (1951-1963). Gehienbat poesia idatzi bazuen ere, Hikmetek antzerkia, kontakizunak, eta itzulpenak ere landu zituen. Errusiako futuristen eraginez bertso librea erabili zuen lehen aldiz turkiera poemagintzan. Hikmetek erantzukizun politikoa, turkiar aberkideen egoera eta munduarekiko irekitasuna dira haren olerkien gaiak. Alor horretan Hikmetek lan eskerga egin zuen.

Haren obra batzuk: 1941 urte honetan, Giza ikuspegiak (1942-1950), Poemak, Amodiozko poemak (1933-1962), Hau lana, erbestea. Antzerkietako zenbait: Gizon ahantzia, Bidaiaria, Existitu zen benetan Ivan Ivanovitx? (1956), Stalinen garaietako burokraziaren satira, errusieraz idatzia. Kontakizunen alorrean eleberriak eta ipuinak idatzi zituen: Sagar berdeak, Hodei maitemindua, Odolak mintzorik ez eta Erromantikoak, hil ondoren agertutako eleberri autobiografikoa. Gabriel Aresti euskal poetak Hikmeten poema hautatu batzuk itzuli zituen Lau gartzelak izenburupean.

Wikimedia Commonsen badira fitxategi gehiago, gai hau dutenak: Nâzım Hikmet

• Nâzım Hikmet euskaraz Armiarma.com