Mexikoko golkoaren marea beltza

Mexikoko golkoaren marea beltza
Mota	Marea beltz ; hondamendi ekologiko ; Ingurumen gatazka
Denbora-tarte	2010eko apirilaren 20a -
Data	2010eko apirilaren 15a
Kokaleku	Mexikoko golkoa
Herrialdea	Ameriketako Estatu Batuak
Kausa	Deepwater Horizon explosion (en)
Pertsona hilak	11
Komunikabide

Mexikoko golkoaren marea beltza itsaso aldean gertatutako eta petrolioaren industriarekin lotutako hondamendi ekologikoa izan da, historia eta mundu osoko larriena dena. Louisianako kostaldetik 65 bat kilometrora kokatutako "Deepwater Horizon" izeneko plataforman, Mexikoko golkoan, jazo zen ezbeharra 2010eko apirilaren 20an gertatutako leherketaren ondorioz. 11 langile hil ziren eta beste 17 zaurituta gelditu ziren, eta esan bezala itsasoko habitatetan eragindako kalteak izugarri handiak izan dira. Zabaldutako erregaiaren bolumena guztira ia 5.000.000 kupelarena izan da, Exxon Valdez petrolio-ontziak eragindakoa baino handiagoa. Abuztuan 4.600 hildako animalia baino gehiago jaso zituzten, horietatik 4.000 inguru hegaztiak zirelarik, 525 dortoka eta 72 izurde. Arrantzan eragindako kalteak ere oso altuak izan dira.

British Petroleum (BP) konpainia britainiarra plataformaren kudeatzailea da, eta sortutako hondamenaren ondorioak leuntzeko neurriak Ameriketako Estatu Batuetako Gobernuak hartu behar izan zituen.