Mantxu

Mantxua
Kangxi enperadorea • Yongzheng enperadorea • Qianlong enperadorea Cixi enperatriza • Pu Yi • Lang Lang
Biztanleak guztira
10.430.000 inguru
Biztanleria nabarmena duten eskualdeak
Txina 10.410.585  Taiwan 12.000
Hizkuntza
Txinera, mantxuera
Erlijioa
Erlijiorik eza, xamanismoa, budismoa.
Zerikusia duten beste giza taldeak
Xibeak eta beste herri tungus batzuk

Mantxua^[1] (mantxueraz: ᠮᠠᠨᠵᡠ, manju, txinera tradizionalez: 滿族; txinera sinplifikatuz: 满族; pinyinez: Mǎnzú; Wade–Giles: Man³-tsu²) jatorria Mantxurian duen talde etnikoa da. Txinako Herri Errepublikak ofizialki onartzen duen gutxiengo etnikoetako bat da. Gaur egun, 10.000.000 inguru dira eta Mantxuria ohian (Ipar-ekialdeko Txina), Pekinen eta Mongolian bizi dira.

Izenaren jatorria XVI. mendekoa bada ere, mantxuak tungus multzo etnikoari dagokion jurchen taldearen ondorengoak direla uste da. XVI. mendearen erdialdearen eta XX. mendearen hasieraren artean, mantxuek Txinako Inperioaren agintea izan zuten, Qing dinastiaren bitartez. Konkistaren ondoren, mantxu gehienak Txinara mugitu eta han kokatu ziren, eta txinatar asko, berriz, Mantxurian. Egoera hark mantxuen kulturaren beherakada ekarri zuen, batez ere Qing dinastiak aginpidea galdu zuenetik.