Côtes-d'Armor
| Côtes-d'Armor (22) | |
|---|---|
| Frantziako departamendua | |
 | |
| Administrazioa | |
| Estatua |  Frantzia |
| Eskualdea | Bretainia |
| Prefetura | Saint-Brieuc |
| Prefeta | Claudy Lebreton (PS) |
| Azpiprefeturak | Dinan Guingamp Lannion |
| Barrutiak | 4 |
| Kantonamenduak | 52 |
| Udalerriak | 373 |
| Kokapena | |
| Koordenatuak | 48°20′N 2°50′W / 48.33°N 2.83°W |
 | |
| Azalera | 6.878 km² |
| Demografia | |
| Biztanleria | 605917 |
| Dentsitatea | 88.094,940389648 bizt/km² |
| Kontseilu Orokorraren webgunea | |
Côtes-d'Armor (bretainieraz Aodoù an Arvor) Bretainia iparraldeko lurraldea da eta Frantziako 22. departamendua.
Eskualde mugakideak hauexek ditu: Finistère mendebaldean, Morbihan hegoaldean eta Ille eta Vilaine ekialdean. Frantsesez gain, bretainiera ere hitz egiten dute bertako biztanle batzuk, Trégor izeneko dialektoa bereziki. 6.878 km²-ko azalera dauka, eta 542.373 biztanle (79 biz./km², 1999).
Prefektura Saint-Brieuc hirian dago, eta beste hiri nagusiak Dinan, Guingamp eta Lannion dira.
Geografia
[aldatu | aldatu iturburu kodea]Mantxako itsasartearen ertzean dago. Armorikako mendialdeak mugatzen du erliebea: altuera apaleko muinoak (Notre-Dame-de-Bel-Air, 341 m) eta kostalde malkartsua, itsasadar estu eta sakonak dituena.
Historia
[aldatu | aldatu iturburu kodea]Frantziako Iraultzaren ondoren eratu zen 1790ko martxoaren 4an Côtes-du-Nord izenarekin (iparraldeko kostaldea) eta 1990an gaur egungo izena hartu zuen aintzinako Armorika berreskuratuz. Gutxi gora behera Bro Dreger eta Bro Sant Brieg lurralde historikoak eta Bro Kernev-en ekialdeko lurrak hartzen ditu.
Politika
[aldatu | aldatu iturburu kodea]Historikoki erlijioak indar handia izan bazuen ere Guingamp hiriaren ingurua komunismoaren gotorleku bihurtu zen eta ikuspegi politiko bien arteko borroka handia dago.
Ekonomia
[aldatu | aldatu iturburu kodea]Nekazari-herrialdea (laboreak eta ardi-azienda) da. Industria bigarren mailakoa da, eta turismoak garrantzi handia hartzen du udan.
Hiri nagusiak
[aldatu | aldatu iturburu kodea]Hona hemen Côtes-d'Armor departamenduko hiri nagusien zerrenda, 2013ko erroldako datuen arabera ordenatua:
- Saint-Brieuc (hiriburua, 45.331 biztanle)
- Lannion (19.627 bizt.)
- Plérin (14.394 bizt.)
- Lamballe (13.212 bizt.)
- Ploufragan (11.569 bizt.)
- Dinan (10.851 bizt.)
Kirolak
[aldatu | aldatu iturburu kodea]Departamenduko kirol talde arrakastatsuena En Avant de Guingamp futbol taldea da. 7.000 biztanleko herri bateko taldea bada ere Frantziako lehen mailan jokatzen du eta bi Kopa irabazi ditu dagoeneko. Saint-Brieuc SC emakumezkoen taldeak Liga eta Kopa bana irabaziak ditu ere.
Ondasun nabarmenak
[aldatu | aldatu iturburu kodea]-
Saint-Brieuc hiriko katedrala.
-
-
-
-
-
-
-
-
-
Saint-Brieuc badiako erreserba naturala.
-
-
-
-
En Avant de Guingamp futbol taldearen armarria.
Kanpo estekak
[aldatu | aldatu iturburu kodea]
Datuak: Q3349
Multimedia: Côtes-d'Armor / Q3349
Bretainiako departamenduak  | |
|---|---|
Côtes-d'Armor (Aodoù an Arvor) • Finistère (Penn-ar-Bed) • Ille eta Vilaine (Il-ha-Gwilen) • Morbihan (Mor-Bihan) |
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.