Alicia Boole Stott

Alicia Boole Stott
Bizitza
Jaiotza	Cork, 1860ko ekainaren 8a
Herrialdea	Erresuma Batua  Espainia  Britainia Handia eta Irlandako Erresuma Batua  1927ko apirilaren 12a)
Heriotza	Highgate eta Ingalaterra, 1940ko abenduaren 17a (80 urte)
Familia
Aita	George Boole
Ama	Mary Everest Boole
Haurrideak	ikusi Ethel Lilian Voynich Mary Boole Hinton Margaret Boole Taylor (en) Lucy Everest Boole (en)
Hezkuntza
Heziketa	Queen's College London (en) Groningengo Unibertsitatea
Hizkuntzak	ingelesa
Jarduerak
Jarduerak	matematikaria
Jasotako sariak	ikusi Honorary doctor of the University of Groningen  (1914)
Influentziak	Charles Howard Hinton (en)

Alicia Boole Stott (Cork, Irlanda, 1860ko ekainaren 8a - Ingalaterra, 1940ko abenduaren 17a) anglo-irlandar matematikaria zen. Nahiz eta inoiz lanpostu akademikorik ez izan, oso ekarpen baliagarriak egin zizkion matematikari eta Groningengo Unibertsitateak ohorezko doktore izendatu zuen. Ezaguna da politopo terminoa sortzeagatik lau dimentsio edo gehiago dituen solido ganbila izendatzeko.

Alicia George Boole matematikari eta logikariaren eta Mary Everest Boole matematikari autodidaktaren hirugarren alaba zen. Bere ahizpa Lucy Everest Boole kimikaria zen eta farmazeutikoa zen. Bere ahizpa Ethel Lilian Voynich, aldiz, eleberrigilea zen. Aita hil zitzaionean, 1864an, familia Londresera joan zen, non ama Londresko Queen's College-ko liburuzain hasi zen. Queen's College-ko aldameneko eskolan egin zituen ikasketak, baina ez zuen inoiz unibertsitate-ikasketarik egin.