Claddagh eraztuna

Claddagh eraztunaren (irlanderaz "Fáinne Chladaigh" eta ingelesez "Claddagh Ring") jatorria duela 300 urte inguru Irlandako mendebaldeko Galway hiriaren kanpoaldeko Claddagh arrantzale herrian kokatzen da (gaur egun hiri hartako auzo bilakatua), bertan XVII. mendean lehenbiziko aldiz diseinatua eta ekoiztua izan zelarik.^[1] Senargaiak emaztegaiari edota alderantziz oparitu ohi da, baita maitasuna adierazteko edota ezkontza eraztun gisa ere. Claddagh eraztunak hiru elementu ditu: bi esku, bihotz bat eta koro bat. Bi eskuek laguntasuna adierazten dute eta bihotzak, ordea, maitasuna. Azkenik, koroak leialtasuna sinbolizatzen du. Eraztunaren burua kanpora begira edo barrura begira egoteak esanahi desberdina du. Kanpora begira ipintzeak jabea ezkongabea dela adierazten du, eta esku-azpira begira, aldiz, ezkonduta dagoela.