Mojito

Mojito
Lando de origino	Kubo
Jaro de fondo	1910-1920
Glaso	highball
Konsisto	blanka rumo sukerkana sukero aŭ sukera siropo pipromento sodakvo aŭ limea suko erigita glacio
v • d • r

Mojito (prononcata hispane [moˈxito] – „moĥito“) estas tradicia kuba koktelo. Mojito enhavas kutime freŝajn folietojn de pipromento, blankan rumon, krudan sukerkanan sukeron, limeon kaj sodakvon. Ĝi estas servata en altaj glasoj kun trinkŝalmo kaj miksilo. Anstataŭ limeo eblas uzi ankaŭ limean sukon kaj anstataŭ sukero siropon (guarapo). En kelkaj versioj oni aldonas en la trinkaĵon ankaŭ iun amaran likvoron (Angostura bitter).

Trinkaĵoj simila al la mojito estis konataj jam fine de la 16-a jarcento, laŭ legendo inventinto de la unua antaŭulo de mojito estis angla korsaro Richard Drake, kiu miksis aguardiente (nerafinita antaŭulo de rumo), sukeron, citronon kaj pipromenton. Li nomigis sian drinkaĵon "El Draque" (laŭ kromnomo de Francis Drake, lia superulo). Bazejo de la korsaroj estis sur Kubo kaj dum iliaj ekskursoj la recepto disvastiĝis ankaŭ en pliaj latinamerikaj landoj. En la 19-a jarcento la miksita trinkaĵo estis proporcie populara inter malpli riĉaj kubanoj; en libro de Ramón de Palma el la jaro 1838 unu el ĉefaj roluloj drinkas draqueciton ĉiutage kiel maniero eviti epidemion de ĥolero.

La vera mojito estiĝis el draque pro interŝanĝo de aguardiente je rumo komence de la 20-a jarcento sur Kubo; eblas, ke influis ĝin receptoj al pipromenta julepo aŭ daiquirio. Unuj el la plej malnovaj receptoj aperas en eldonoj de manlibro por trinkejestroj en Florida trinkejo Sloppy Joe’s el la jaroj 1931 kaj 1936.

La vorto mojito evidente devenas el markigo de akregusta saŭco mojo (el la hispana mojar). Alterna etimologio estas deveno el vorto mojo, kiu en afrika kredo hoodoo markas sorĉon, sorĉan amuleton. La nomo estas ofte erare prononcata "moĥito". En la hispana la "j" estas prononcata kiel "ĥ", sed sur Kubo, de kie la trinkaĵo venas, ĝi estas elparolata kiel "h".

En altan glason ni aldonos kelke da folietoj de pipromento, sukeron, tranĉitajn partojn de limeo (aŭ limea suko) kaj ingrediencojn oni erigos en la glaso. La glason poste oni plenigos per erigita glacio kaj surverŝos per blanka rumo (ĉirkaŭ 4 cl). La koktelon oni surverŝos per sodo kaj ekmiksiĝos. La drinkaĵo estas drinkata per trinkŝalmo. La glason eblas ornami per limeeroj.

• kajpirinjo (caipirinha)
• dajkirio (daiquiri)
• julepo

• www.mojitocompany.com Arkivigite je 2008-09-08 per la retarkivo Wayback Machine – Paĝoj dediĉitaj al mojito angle
• televida elsendo "Mojito, Kubo kaj Esperanto" en julio 2020 (esperante)^[1]
• www.bacardimojito.com – Reklama kampanjo de kompanio Bacardi angle

Ĉi tiu artikolo ankoraŭ estas ĝermo pri koktelo. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).