Garba

	Toś ten nastawk z temu družyna jo pó lema na drugi nastawk pódobny. Drugi lema garba (rod) ma temu rod.

Garba

Ilustracija garby (Carum carvi)
systematika
Domena	Eukaryoty
Swět	Rostlinstwo
	Euasteridy II
pórěd:	(Apiales)
swójźba:	Wokołkowe rostliny (Apiaceae)
rod:	Garba (rod) (Carum)
družyna:	Garba[1][2]
wědomnostne mě
Carum carvi
L.
Wikipedija:Projekt za botaniku
p • d • w

Garba^[1][2] (Carum carvi) jo družyna ze swójźby wokołkowych rostlinow (Apiaceae).

Garba jo dwójolětna rostlina, kótaraž dośěgnjo wusokosć wót 30 až do 80 cm.

Kijašk jo rozrosćenje roznogaśowany a granity.

Łopjena su jadnory až dwójce pjerinate ze šwižnymi pjerinatymi łopjenkami, kótarež dośěgnu šyrokosć wót 1 mm. Dolne bocne pjera łopjena kśicu wutwórje.

Kwiśo wót maja až do julija, ale cesto kwiśo drugi raz wót awgusta až do septembra. Wurliški wobstoje z 8 až 16 rozdźělnje dłujko wogonkatych wokołkikow. Kronowe łopjenka su wutšobojte, běłe abo rožojte a dośěgnu šyrokosć wót 2 až do 3 mm. Kwiśonki dośěgnu wjelikosć wót 3 mm. Wurliški zwětšego njamaju pśikrywne łopjenka a su wósym-pšugojte až šesnasćo-pšugojte.

Južo njezdrjałe płody rozšurowane mócnje a aromatiski wónjaju. Rozpacny płod wobstoj ze zgibnjonych rjepikatych źělnych płodow, jo jajojty a dośěgnjo dłujkosć wót 3 až do 4 mm.

Rosće na tucnych łukach, tucnych pastwach wósebnje w górinach a drogowych kšomach. Preferujo glinjane a běłoglinowe zemi.

Rostlina jo w pśisamem cełej Europje rozšyrjenja.

Płody pólěpša ako wěrca znjasliwosć wót kała a klěba.

1. ↑ ^{1,0 1,1} Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 135
2. ↑ ^{2,0 2,1} W internetowem słowniku: Kümmel

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 86 (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 160 (nim.)