Tataramon na Kamayo

An Kamayo (Kinamayo o pigbabaybay man bilan Camayo), pig'aapod man na Kadi, Kinadi, o Mandaya, saróng minor na tataramon na Austronesyo kan sentral subangan Gilid-baybayon kan Mindanao sa Filipinas.

Pigtataram ini sa mga pirang lugar kan Surigao del Sur (sa syudad kan Bislig asin sa mga munisipalidad kan Barobo, Hinatuan, Lingig, Tagbina, Lianga, San Agustin & Marihatag) asin Davao Oriental, magkaiba an Kamayo poon sa saróng munisipalidad sa saró. An mga Lingiganon kakaiba sa iba pang mga munisipalidad sa paagi kan pagtaram ninda kan tataramon na Kamayo. Pigbaretá man kan Ethnologue na pigtataram man an Kamayo sa hangganan kan mga lugar sa Provincia nin Agusan del Sur, asin sa provincial nin Davao Oriental na natatangâ kan Lingig asin Boston.

An Kamayo halawakang pigtataram kan mga Mandayas sa mga lugar nin Davao Oriental. Kaano-ano kaini an Tandaganon asin Surigaonon. An pagkakaiba-iba kan mga diyalektos sanhí kan mga komunikasyon na magkakahalong diyalektos arog kan Tataramon na Cebuano sa mga barangay nin Mangagoy & Pob. Bislig. An mga banwaan nin Barobo, Hinatuan, asin Lingig igwang distinct bersyon an tinataram. An "hulapí" pigdadagdag sa kadaklan na adhetibo sa mga pormang superlatibo; halimbawa, an kataga na "gamay" sa Cebuano (Bikol Sentral: sadit) iyo an gamayay samantala an kataga na "dako" (Bikol Sentral: dakulá) pigtataram na dako-ay sa Bislig.

Pigklasipikar an mga diyalektos bilan Norteng Kamayo asin Sur Kamayo (Ethnologue).

Karaniwang mga pariralá

• Mga tataramon kan Filipinas
• Mga tataramon na Mindanao