Inari Ōkami

Si Inari Ōkami (Hapon: 稲荷大神), inaapod man na Ō-Inari (大稲荷), iyo an Hapones na kami kan mga amid, fertility, paroy, tsa asin sake, kan agrikultura asin industry, kan pankagabsan na prosperidad asin pankinàban na kapangganahan^{[nangangaipo nin toltolan]}, asin saro sa prinsipal na kami kan Shinto. Kan amay na Hapon, si Inari iyo man an patron kan swordsmiths asin merchant. Representado bilang lalaki, babayi, o androgynous, si Inari parating nahihiling bilang sarong kolektibo nin tulo o limang indibidwal na kami. Si Inari naglataw bilang sinasamba poon kan pagkamukna kan shrine sa Inari Mountain kan 711 AD, minsan siring an ibang mga iskolar nagtutubod na an pagsamba nagpoon kan huring ika-5 na siglo.

Pag-abot kan ika-16 na siglo, si Inari an nagin patron kan mga panday asin paraprotektar kan mga parapakilaban, asin an pagsamba ki Inari luminakop sa bilog na Hapon kan panahon nin Edo. Si Inari iyo an popular na persona kapwa sa Shinto asin mga pagtubod na Budhista sa Hapon. Labi sa saro-katolohan (32,000) kan mga altar ns Shinto sa Hapon an idinudusay ki Inari An modernong mga korporasyon, arog baga kan kompanyang cosmetic na Shiseido, padagos na nagrereber ki Inari bilang patron na kami, na may mga altar na mas halangkaw sa saindang opisina prinsipal.^[1]

An mga amid, o kitsune, ni Inari dalisay na puti asin nagseserbing saindang mga mensahero.

Sono sa osipon, si Inari, bilang sarong diosa, sinasabing nagduman sa Hapon kan panahon na lalangon iyan sa tahaw nin makuring gutom na tuminama sa daga. " Siya [si Inari] naghilig hale sa Langit na nakasakay sa puting amid, asin sa saiyang kamot nagdara siya nin mga goygoy nin sereal o tipasi. Ine, an termino na ginagamit ngonyan para sa bagas, iyo an ngaran kan cereal na ini. An saiyang dinadara bakong bagas kundi ibang seryal na natubo sa mga gatok-gatok. Susog sa osipon, kan mga suanoy na panahon an Hapon tubig asin tibo na daga."^[2]

Sarong tamboan an artikulong ini. Makakatabang ka sa Wikipedia sa pagpoon kaining pahina.