• [ ɣaˈraɾ ]

«garrar»

(rexistru)

1. Suxetar dalguién o dalgo cola mano, col brazu, con otru órganu o con un utensiliu afayadizu, pa retenerlo, sostenelo, movelo, usalo o apoderase d'ello.
2. Quedar suxeta una parte del cuerpu con dalgo mancándose.

   Garréme la mano cola puerta del microondes al zarralu.

3. Suxetar dalgo cola mano o un utensiliu y llevalo a otra persona que nun yera a llegar a ello.

   Gárrame'l llibru aquel de la última estantería que ta mui alto pa min.

4. Axuntar coses o persones que tán separtaes o espardíes.

   Garra toos esos papeles que dexesti tiraos pel suelu.

5. Quedase con dalgo que nun-y pertenez ensin permisu.
6. Quedase con dalgo que-y dan.
7. Quedar con dalgo d'ente delles coses o con dalguién d'ente delles persones.
8. Detener una persona o un animal pa zarralu, pa apresalu.
9. Consiguir dalgo, facese con dalgo.
10. Llegar al mesmu puntu o sitiu en que ta dalguién delantre.
11. Topar dalguién faciendo dalgo malo o nuna situación comprometida.
12. Xunir una cosa con otra pente medies de dalguna sustancia.
13. Quemase parte de la comida y quedar axuntao al fondu del cazu, de la pota o del recipiente onde se cocinó; úsase tamién pa indicar que nesi recipiente suel quemar y dexar axuntao a él la comida.

    Calculé mal el tiempu de coción y garráronme les llenteyes; Nun uses esi sartén que garra too.

14. Reservar tiempu pa facer dalgo, reservar cita, la vez.

    Voi garrar unos díes de descansu pa final de mes; Nun t'olvides de llamar al ambulatoriu pa garrar cita col médicu.

15. Ocupar un sitiu o una cosa.

    Tán toles meses garraes, yá nun hai sitiu nesta terraza; Los perros garren tol sofá y tengo que sentame siempre nel sillón.

16. Subir nun mediu de tresporte.

    Pa dir a la facultá, garra la llinia 7.

17. Subir los pasaxeros al mediu de tresporte.

    Esti tren nun garra viaxeros pa La Pola.

18. Entamar a facer dalgo que yá comenzara.

    Garramos la película a la metá.

19. Entamar a tener, a pasar una enfermedá.

    Garró'l gripe.

20. Entamar a tener los efectos d'una enfermedá, una calamidá, l'alcohol, el sol.

    Garró tal enfile que nun reconocía a naide; Tuvi tol día na playa y garróme bien el sol que ta quemándome tola piel.

21. Recibir o facer dalgo d'una manera determinada.

    Garró la noticia del accidente con muncha calma; Garró'l cursu ensin ganes pero agora ta mui contentu con él.

22. Alcontrar d'una manera determinada a dalguien o dalgo.

    Garremos al profe de mal humor.

23. Golpiar con fuercia o pasar percima de dalguién un vehículu.

    Nun miró al cruciar y garrólu un bus.

24. Consiguir entender una idea, un conceptu.

    Esti rapaz nun garra les indirectes.

25. Almitir a dalguién pa un trabayu, unos estudios.

    Con eses notes tan baxes cuido que nun lu van garrar na facultá de Medicina.

26. Dir per una dirección determinada.

    Garra la segunda cai a la esquierda pa llegar a la estación.

27. Coincidir dalgo na dirección pela que se va.

    La farmacia gárrame de camín, asina que puedo comprate yo'l xarabe.

28. Recibir la tresmisión d'un mediu de comunicación.

    Nun soi a garrar la TPA, pero bono, pa lo qu'echen, nun pierdo nada.

29. Tener un sentimientu o una sensación pa escontra dalguién o dalgo.

    Desque conoció a Muhammad, garró gustu pola comida árabe.

30. Aceptar, faciéndolo propio, maneres, costumes, métodos, doctrines o idees d'otres persones.
31. Usar un oxetu, una máquina.

    Va muncho que nun garro los patinos, nun sé si sabré andar con ellos.

32. (Bioloxía) Quedar preñada una fema.
33. (Botánica) Siguir viviendo una planta o un inxertu cuando se tresplanta.

Otres formes[editar]

• agarrar → forma encamentada nel DALLA

Sinónimos[editar]

• [1] coyer, pañar ~ apañar, pillar
• [2] pillar, coyer, coloquial pescar
• [3] apurrir, algamar, pillar, coyer, pañar ~ apañar, alcanzar
• [4] recoyer, coyer, pañar ~ apañar
• [5] coyer, pañar ~ apañar, ḥispiar
• [7] escoyer, elixir, coyer, tomar
• [8] detener, cazar
• [9] consiguir, coyer, pañar ~ apañar, adquirir
• [10] alcanzar, algamar, pillar, coyer, atayar, acobrar, apiar
• [11] pillar, coyer, atrapar, cazar, sorprender
• [12] pegar ~ apegar
• [13] pegar ~ apegar
• [14] coyer
• [15] tomar
• [16] montar, coyer, pillar
• [17] coyer
• [19] coyer, pañar, pillar
• [20] coyer, pillar
• [21] tomar
• [22] coyer, pillar
• [23] atropellar, coyer, pillar
• [24] entender, atalantar, coyer, pillar
• [25] escoyer, coyer; contratar
• [26] coyer
• [27] coyer, pillar
• [28] sintonizar, coyer, pillar
• [29] coyer
• [30] coyer, pañar
• [31] coyer, usar
• [32] preñar, prender
• [33] prender

Antónimos[editar]

• [4] esparder, arramar, esparramar

Conxugación[editar]

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionariu de consultes llingüístiques del asturianu, Ramón d'Andrés Díaz, Ediciones Trabe, 2021, Uviéu; ISBN: 978-84-18286-55-1.