Pronunciación y silabación: [ ˈkweɾ.pu ]
Etimoloxía: Del llatín corpus (mesmu significáu).

masculín singular cuerpu; plural cuerpos

1. Porción de materia que forma un tou individual y dixebráu.
2. (Física) Oxetu físicu que tien masa.
3. (Anatomía), (Zootomía) Parte material o física d'un ser humanu o d'un animal.
4. (Anatomía), (Zootomía) Parte d'un ser humanu o d'un animal sacante la cabeza y les estremidaes.
5. Parte d'una prenda de vistir que cubre'l troncu.
6. Estáu físicu o anímicu que siente dalguién.

   Suel usase con una significación negativa:

   • Esi accidente que vi güei dexóme con mal cuerpu pa tol día.
   • La muerte del mio vecín nun me dexó bon cuerpu, la verdá.
7. Persona finada.
   • Apaeció un cuerpu flotando nel puertu d'El Musel.
8. (Vistimientu) Prenda ciñida de muyer pa vistir el troncu y que nun tien mangues.
9. Parte principal o central d'un oxetu.
   • El cuerpu del edificiu.
10. Conxuntu de persones que trabayen na mesma profesión.
    • El cuerpu de bomberos
11. Colectividá de trabayadores d'una mesma profesión que ta considerada como persona xurídica.
12. Fálase de la consistencia que tien una materia o sustancia.
13. Fálase de la consistencia y calidá d'un líquidu.
    • Esti añu la sidra salió con mui bon cuerpu.
14. Consistencia d'un texíu, cayida d'una tela.
    • Un chilecu de llana con munchu cuerpu.
15. (Tipografía) Tamañu d'un caráuter.

Sinónimos[editar]

• [1] oxetu
• [3] organismu
• [4] troncu
• [7] cadabre
• [8] xustiyu

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.